Kavaja, Himara, Vlora, Kamza, Durrësi, Vora janë bashkitë më të varura nga të ardhurat që gjeneron ndërtimi, pasi t&eu...
POLITIKE
Marrëveshja e detit, Athina nxjerr blof Ramën: Distancohemi! Nuk e kemi më prioritet
PiranjatPërditësimi i fundit 23 Prill 2026, 17:55
Athina zyrtare ka nxjerrë “blof” kryeministrin Edi Rama dhe deklaratat e tij të dhëna ditën e djeshme lidhur me konsultimet për marrëveshjen e detit me Greqinë dhe “premtimin” për t’iu drejtuar Gjykatës Ndërkombëtare e Drejtësisë në Hagë.
Media greke Protothema duke cituar një burim të lartë diplomatik grek, shkruan se ndonëse çështja ka qenë prej kohësh në axhendën dypalëshe, procesi u ndërpre pasi u dërgua në Gjykatën Kushtetuese të Shqipërisë, e cila në thelb e rrëzoi marrëveshjen përkatëse.
Në të njëjtën linjë, Ministria e Punëve të Jashtme të Greqisë thekson se i përkasin të kaluarës dhe se tashmë është pala shqiptare ajo që duhet të ndërmarrë hapa konkretë për të ndryshuar vendimin e Gjykatës Kushtetuese, nëse synon të rikthejë procesin.
Më tej theksohet se marrëveshja nuk është më një prioritet për Athinë zyrtare, sidomos pas marrëveshjeve të arritura me vende të tjera të rajonit, si Italia, si dhe zgjerimit të ujërave territoriale greke në Detin Jon.
Po ashtu, pala greke mohon ekzistencën e ndonjë teksti konkret për çështjet e hapura mes dy vendeve, në kundërshtim me deklaratat e Ramës gjatë Forumi Delphi./PiranjatNews/
