Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Miratimi i Udhërrëfyesi për Funksionimin e Institucioneve Demokratike, Manja: 128 “detyra shtëpie” duhet të kryejmë deri më 2030, ja çfarë krijohet
M.B.Përditësimi i fundit 2 Tetor 2024, 13:28
TIRANA- Ministri i drejtësisë, Ulsi Manja, në përfundim të mbledhjes së Këshillit të Ministrave, ka njoftuar sot miratimin e Udhërrëfyesit për Funksionimin e Institucioneve Demokratike. Gjitashtu Manja njoftoi krijimin e një grupi ndërinstitucional me 43 institucione, në thelb të të cilit do të jetë transparenca, llogaridhënia dhe eficenca e këtyre institucioneve. Ai shtoi se Udhërrëfyesi i është nënshtruar një konsultimi të gjerë edhe me shoqërinë civile.
“128 masa. Nuk janë angazhime por detyra shtëpie që kemi marrë përsipër t’i kryejmë deri në 2030. Masa të karakterit ligjor administrativ dhe performanca. Udhërrëfyesi i është nënshtruar një konsultimi të gjerë edhe me shoqërinë civile. Shqipëria sot në një pozicion solid në raport me anëtarësimin në BE”, tha Manja.
Ministri është pyetur lidhur me dërgimin e deputetëve të PS në SPAK, mandatin e Olta Xhaçkës dhe aksionin opozitar pas burgosjes së deputetit demokrat Ervin Salianji.
“Vota ime është publike, reflektim qëndrimin e Grupi Parlamentar në raport me këtë vendimmarrje. Grupi Parlamentar ka vendosur çështjen ta çoje në Venecia, nuk është çështje e mbyllur për Kuvendin. Sa herë kemi përplasje të tilla institucionale, i jemi drejtuar Komisionit të Venecias për një opinion miqësor. Ju lutem, ju keni pyetjen unë kam përgjigjem, përgjigja ime është ajo që sapo thashë dhe si ministër dhe si deputetë, çështja është në Komisionin e Venecias, një konsultë dhe opinion ndaj komisionit të Venecias. Do të presim opinionin dhe do të ketë një vendimmarrje të Kuvendit. Kuvendi është sovrani dhe sovranit nuk mund t’i imponohet askush. Ndaj sovrani i është drejtuar Komisionit të Venecias, për të patur një vendimmarrje që shkon në harmoni me Kushtetutën”, tha Manja.
Aksionin opozitar Manja e cilësoi ‘rrugë pa krye’, duke thënë se nuk mendon që hallet e shqiptarëve zgjidhen me mosbindje civile ndaj drejtësisë.
“Dua t’i kthehem asaj për atë që jam këtu së bashku me kolegen time, për t’i bërë me dije pozicionin e Shqipërisë ne rrugën drejt BE. Sigurisht është sfidë dhe nuk mendoj se ka një rrugë tjetër pa kthim përveç kësaj, Shqiptarët presin nga qeveria shkurtimin e rrugës për tu bërë anëtare me të drejta të plotë në BE. Rruga tjetër është pa krye. Nuk mendoj se hallet e shqiptarëve zgjidhen me mosbindje civile ndaj drejtësisë dhe nuk di forma të mosbindjes civile që shkojnë në dhunë dhe djegie. Është rrugë pa krye dhe nuk i shërben as Shqipërisë as shqiptarëve”, tha Manja.
