Donald Trump ka nisur një sulm të ri ndaj gazetares së CNN , Caitlan Collins, të cilën me sa duket ai e do ta urrej&eu...
POLITIKE
"Mos u merr me shqiptarët, nëse të mallkojnë, zhdukesh"/ Rama nuk përmbahet ndaj ish-sekretares britanike të Brendshme
PiranjatPërditësimi i fundit 21 Tetor 2025, 16:14
Kryeministri Edi Rama ka ironizuar sot nga Londra ish-sekretaren britanike të Brendshme, Suella Braverman, e cila gjatë mandatit të saj ka bërë deklarata të forta kundër emigrantëve shqiptarë në Britani.
Duke folur në panelin e organizuar nga Chatham House, me temë “Ballkani Perëndimor dhe Bashkimi Europian”, Rama iu rikthye deklaratave që Braverman kishte bërë, duke e ironizuar për largimin e saj nga politika britanike.
“Kur dikush që quhej Suela, një tjetër kur ajo piketoi shqiptarët… dhe meqë ra fjala, ku është ajo tani? Thjesht mbaje mend, mos u merr me shqiptarët. Nëse të mallkojnë shqiptarët, zhdukesh”, u shpreh Rama.
Ai rikujtoi gjithashtu një poster të fushatës së Brexit-it, ku shqiptarët përdoreshin si simbol i frikësimit për opinionin britanik. “Ka pasur atëherë një poster me një zog të çuditshëm, të frikshëm që vinte nga Shqipëria për t’i thithur gjakun Britanisë. Premtimi ishte, largohuni nga Europa dhe ata nuk do të vijnë më. U larguan, dhe Shqipëria është bërë një temë më e madhe se kurrë më parë”, tha Rama.
Sipas tij, problemi nuk qëndron te shqiptarët apo emigrantët, por te përpjekja për të gjetur "kokën e turkut" pas pasojave të Brexit-it. Ai e cilësoi këtë si një strategji politike për të shmangur përgjegjësinë për një vendim që e përshkroi si “katastrofik”.
Kujtojmë këtu, se në nëntor të vitit 2022, Suella Bravermanv deklaroi në Parlament se emigrantët shqiptarë po abuzonin me sistemin e azilit dhe i cilësoi si "kriminelë që vijnë për të shitur drogë". Rama reagoi në atë kohë, duke e quajtur deklaratën “turp” dhe “një njollë në etikën politike të një demokracie si Britania”.
