Të gjithë drejtorët paraardhës të Ami Kozelit në Autoritetin Rrugor Shqiptar janë në burg, në arrest shtëpiak,...
POLITIKE
Në orën 19:00 do të mbahet protesta e 22-të në Tiranë, pritet pjesëmarrje masive e Diasporës! Kërkohet dorëheqja pa kushte e Ramës
PiranjatPërditësimi i fundit 21 Qershor 2026, 16:30
Revolta popullore po bëhet gjithnjë e më e madhe, ku çdo orë që kalon numri i pjesëmarrësve rritet dhe Diaspora ‘derdhet’ drejt Tiranës.
Do të mbahet sonte në orën 19:00 protesta e 22 masive para Kryeministrisë, ku qytetarë do të vendosen sërish para Kryeministrisë ku do të kërkojnë largimin e qeverisë dhe dorëheqjen e pa kusht të kryeministrit Edi Rama.
Ashtu siç ndodhi edhe në protestën e djeshme, diaspora pritet të jetë pjesë e revoltës, me emigrantët që u dyndën masivisht në Tiranë nën moton: Kur Shqipëria thërret, bijtë përgjigjen.
Protesta konsiderohet si kulmi i mobilizimit qytetar pas tri javësh demonstrata të pandërprera.
Revolta ka tejkaluar tashmë kauzën fillestare dhe është shndërruar në një lëvizje më të gjerë kundër korrupsionit, keqqeverisjes, mungesës së llogaridhënies dhe largimit masiv të të rinjve nga vendi. Pjesëmarrja e diasporës është një tregues se pakënaqësia ndaj qeverisë nuk kufizohet vetëm brenda territorit të Shqipërisë.
Tubimi pritet të nisë në orën 19:00 te sheshi ‘Skënderbej’ dhe më pas do të marshohet drejt Kryeministrisë.
Dita e 21-të e protestave antiqeveritare shihet si një provë e rëndësishme për vazhdimësinë e revoltës qytetare, e cila prej tre javësh ka mbajtur në qendër të vëmendjes zhvillimet politike në vend.
Mbrëmjen e djeshme, që ishte edhe ndër protestat më të mëdha të mbajtura ndonjëherë, qytetarët jo vetëm rrethuan kryeministrinë, por edhe e gdhinë para godinës qeveritare, duke mos e lëshuar as gjatë orëve të ditës, në pikun e vapës.
Nga Berat Buzhala
Tehran 1979. Perndryshe edhe ne Tehran ne protestat e vitit 1979 nje numer i madh i protestueseve kane dale ne rruge per arsye legjitime...
