Një kallëzim i ri penal i shtohet çështjes së abuzimit me fondet e filialit të Postës Shqiptare në Durrës.
Sipas...
POLITIKE
Nga Ervin Hoxha te Bora Muzhaqi, 8 ministrat që u shkarkuan nga Rama për qeverinë e re
PiranjatPërditësimi i fundit 11 Shtator 2025, 16:31
Kryeministri Edi Rama njoftoi sot ndryshimet në qeverinë e tij të katërt, ndërsa largoi plot 8 ministra. Shefi i qeverisë propozoi Ogerta Manastirliun si kandidate për Bashkinë e Tiranës, e cila deri më tani mbante rolin e ministres së Arsimit.
Igli Hasani do të largohet nga drejtimi i Ministrisë së Jashtme, megjithatë do të vijojë të drejtojë një komision në parlament për çështjet që kanë të bëjnë me Europën dhe punët e jashtme.
Ulsi Manja gjithashtu nuk do të jetë më ministër i Drejtësisë. Ai u zëvendësua nga Besfort Lamallari. Megjithatë Rama tha se atij do t’i besohet Komisioni Parlamentar për Çështjet Ligjore dhe Administratën Publike.
Edhe Taulant Balla nuk do të jetë më ministër i Shtetit për Marrëdhëniet me Parlamentit, por do të vijojë të mbajë një rol të rëndësishëm në Kuvend si kryetar i grupit parlamentar të PS-së.
Arbjan Mazniku u zëvendësua nga Ervin Demo si ministër i Shtetit për Pushtetin Vendor. Rama paralajmëroi se ai do të jetë në krye të Reformës Administrativo-Territoriale, në nivelin e dytë të qeverisjes vendore.
Rama hoqi nga detyrat e ministrave edhe Ervin Hoxhën, Anila Denajn dhe Bora Muzhaqin, përkatësisht nga ministria e Brendshme, ajo e Bujqësisë dhe e Rinisë.
