Tirana po përballet ditën e sotme me një trafik të rënduar, i cili përkon edhe me fluksin e makinave në ditën e par&eu...
POLITIKE
Nga Mafia te 'Axhenda Soros', Agim Nesho zbërthen kapjen e shtetit nga Rama: Interesat janë ndërthurur aq shumë sa...
PiranjatPërditësimi i fundit 23 Dhjetor 2025, 22:01
Në një intervistë për “A Show’ me Adi Krastën në Syri Tv, ambasadori Agim Nesho krahasoi Shqipërinë e sotme me Italinë e viteve 80. Ai përshkroi një situatë ku kufinjtë midis qeverisë, politikës dhe krimit të organizuar janë zbehur deri në atë pikë sa është e vështirë të dallohet kush drejton vendin.
“Ajo që ka thënë dhe shtypi francez në autokraci si Shqipëria apo Serbia nuk dihet kush drejton është mafia apo është qeveria që bashkëpunon me mafian. Madje një problematikë ndoshta edhe më të gjerë dhe më të rrezikshme. Ne jemi në një fazë tejet të zhvilluar ku interesat e mafias ndërkombëtare e të qeverisë janë të ndërthuruar aq shumë sa nuk dihet nga vjen presioni. Ne i kemi tejkaluar të gjitha limitet e caktuara” thekson Nesho.
Ky 'shtet mafioz', sipas Neshos, nuk ka mbijetuar vetëm falë dinamikave të brendshme, por edhe për shkak të një mbështetjeje problematike nga faktorë të jashtëm. Këtu, ambasadori u fokusua dhe tek ndikimi i Fondacionit Soros
“Fondacioni Soros ka investuar shumë. Nga shtypi perëndimor është zbuluar se mbi 100 deputetë të Parlamentit Europian kanë qenë në borderonë e Sorosit duke bashkëpunuar në axhendat e tyre të veçanta. Prandaj denoncimi i kryeministrit të Hungarisë ka elementë tepër të vërtetë. Është një korriupsion që duket hapur në Bruksel dhe indirekt po ndihet në Shqipëri, sepse mekanizmi i mbijetesës së Edi Ramës ka ardhur nga blerja e influencës dhe përpunimi i ideve nëpërmjet të tretëve,' tha Nesho.
Nesho argumentoi se Shqipëria është përdorur si një 'kavje eksperimentale' e rrezikshme për axhenda që bien ndesh me demokracinë.
Ambasadori kritikoi ashpër diplomatët perëndimorë që kanë shërbyer në Tiranë, duke përmendur specifikisht ish-ambasadorët Yuri Kim dhe Donald Lu, si dhe përfaqësuesit e BE-së.
Sipas kësaj analize, projekti 'Ballkani i Hapur' ishte pjesë e këtij skenari të gjerë për ta kthyer rajonin në një zonë gri të influencave, ku përfituesit kryesorë do të ishin oligarkitë lokale dhe padronët e tyre ndërkombëtarë, në dëm të integrimit real europian
“Veprimtarinë e dy ambasadorëve që hapur kanë bashkëpunuar për të realizuar skenarin e Sorosit, për vendet e Ballkanit, qe ka qenë Ballkani i hapur e më gjerë, për ta kthyer Ballkanin një hap të ndërthurjes së interesave të fuqive të mëdha, kur dihej që ata që projektinin skenarin do të ishin përfituesit kur në zemër të Europës të ishin një grup vendesh me axhendë kryesisht të fondacionit Soros. Në Shqipëri ka patur një skenar për tu zbatuar në funksion të interesave politike financiare që përfitonin direct nga ‘zemërgjerësia’ e autokratit Rama” theksoi më tej Nesho.
Gazetari Eni Ferhati tregoi në emisionin Now në Euronews Albania se ish-drejtori i Burgjeve Agim Ismailaj u mor sot zyrtarisht i pandehur nga SPAK l...
