Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
"Një i ri jo i importuar apo i “regjistruar” si banorë UFO"/ Deputeti demokrat: Ja kandidatura që duhet mbështetur për Tepelenën
PiranjatPërditësimi i fundit 11 Tetor 2025, 12:37
Deputeti i Partisë Demokratike, Tritan Shehu, ka shpallur mbështetje të plotë për kandidaturën e Gabriel Gumës në zgjedhjet e pjesshme për Bashkinë Tepelenë. Në një postim të tij në rrjetet sociale, Shehu shprehet se PD nuk mbështet një kandidat të "importuar" apo të "rregjistruar si banor UFO", por një të ri të lindur, rritur dhe edukuar mes tepelenasve.
Shehu shkruan për Gabriel Gumën që është një shpresë e re për Tepelenën, duke e cilësuar atë si një intelektual të ri, arkitekt, i cili ka energji dhe ide të reja për të zhvilluar këtë trevë, e cila, sipas tij, ka vuajtur për vite me radhë nga keqmenaxhimi dhe korrupsioni.
"Gabriel Guma, shpresa dhe fytyra e re e Tepelenës!" - shkruan Shehu, duke theksuar se ai ka punuar dhe po punon për të mbajtur veten dhe familjen pranë Tepelenës, dhe se është i vendosur të kontribuojë në zhvillimin e këtij qyteti. Ai shton se Guma është një kandidat që nuk ka përfituar nga rregjimi i tanishëm dhe nuk kërkon të kandidojë përmes parave të tenderave korruptivë, por me vizion dhe dinjitet.
Shehu shpreson që tepelenasit do të votojnë për Gabriel Gumën, pasi sipas tij, ai do të sjellë ndryshimin dhe zhvillimin që ka nevojë Tepelena.
Tritan Shehu:
Gabriel Guma, shpresa dhe fytyra e re e Tepelenes!PD dhe opozita mbeshtesin me te gjithe potencialin Gabrielin per Kryetar te Bashkise se Tepelenes.
Mbas vite “erresire”, keq menaxhimi, korrupsioni per tepelenasit, tashme ka nje shprese te re.
I riu, arkitekti, biri i kesaj treve kandidon dhe do te jete Kryetari i ardhshem i asaj Bashkie.
Nje i ri intelektual, plot dije, ide, projekte e energji do te jete zgjidhja e problemeve madhore, te asaj Bashkie, te akumuluara prej vitesh.
Nje i ri jo i importuar, apo i “rregjistruar” si banore UFO i Tepelenes ditet e fundit, por i lindur, rritur, edukuar mes jush, te dashur tepelenas.
Nje i ri qe ka punuar dhe po punon per te mbajtur veten e familjen prane jush.
Qe ka vendosur te qendroje ne Tepelene per ta zhvilluar kete treve plot vlera e mundesi.
Nje qyretari juaj ai, qe nuk ka perfituar nga ky rregjim, dhe as kerkon te kandidoje me “thesin” e parave te tenderave korruptive.
Per ta zmadhuar ate me tej me parate e taksave tuaja….
Por qe paraqitet para jush ashtu si ai eshte, plot dinjitet, vullnet e vizione per Tepelenen.
