Ekonomia shqiptare pritet të ngadalësohet në vitin 2026. Instituti i Vjenës ka ulur parashikimin për rritjen e Shqipërisë n...
POLITIKE
Përplasje në Komisionin e ‘Zgjedhores’, Manja fyen Ivi Kason: Qepe gojën, legen!
PiranjatPërditësimi i fundit 1 Korrik 2026, 12:10
Në Komisionin për Reformën Zgjedhore ku për krimet zgjedhore po raportonte kreu i SPAK, Klodian Braho ka pasur edhe momente tensioni mes socialsitëve dhe demokratëve.
Ulsi Manja është përplasur me deputetin e PD, Ivi Kaso, ndaj të cilët ka përdorur edhe fjalë fyese si “legen”.
Manja: Po shoh rendin e ditës dhe këtu bëhet fjalë për një seancë dëgjimore. Që mbledhja të rikthehet në normalitet, dua të them se javën e kaluar Prokurori ka raportuar në komisionin përgjegjës për veprimtarinë e tij.
Të gjitha këto çështje janë trajtuar aty. Po ashtu, në datën 3 korrik do të paraqitet edhe drejtuesi i SPAK-ut për të raportuar mbi gjendjen e luftës kundër kriminalitetit. Për këtë arsye, unë mendoj, zoti Gjiknuri dhe zoti Bylykbashi, se i keni thirrur këtu për të dhënë ndonjë rekomandim lidhur me punën.
“Gjithçka është në rregull”, u dëgjua nga salla.
Manja: Më lini ta përfundoj unë. Këtu secili është i lirë. A ka mundësi, për procedurë? Zoti Gjiknuri dhe zoti Bylykbashi, a mund t’i referoheni saktësisht rendit të ditës? Do t’ju lutesha t’i qëndronit rendit të ditës. Mbylle gojën, o legen. Mbylle gojën, se të kam dëgjuar fort. A ka mundësi? Sepse vijmë këtu dhe bëjmë gjyqe.
