Kryetari i Grupit Parlamentar të PD-së, Gazment Bardhi, iu përgjigj sot (5 qershor) kryeministrit Edi Rama për deklaratat që bër...
POLITIKE
Qindra mln të vjedhura me tendera dhe intimidim dëshmitarësh/ SPAK kërkoi arrestimin e Ballukut, Xhixho: Presin raportin e Ulsi Manjës, alibi!
PiranjatPërditësimi i fundit 6 Mars 2026, 18:59
E ftuar në emisionin ‘Syri Digjital’ në Syri TV me gazetarin Bled Marku, Zv. presidentja e Partisë së Lirisë, Erisa Xhixho, u shpreh se vonesa e mazhorancës socialiste për t’i dhënë dritën jeshile kërkesës së SPAK për heqjen e imunitetit të ish-zëvendëskryeministres Belinda Balluku po tregon qartë dy standarde dhe po krijon një “bunker juridik” për mbrojtjen politike të zyrtarëve të lartë.
Sipas saj, kjo zvarritje, e lidhur me aferën e tunelit të Llogarasë dhe pritjen e raportit të ministrit të Drejtësisë, Ulsi Manja, nuk është thjesht pengesë për drejtësinë, por rrezikon seriozisht procesin e integrimit europian të Shqipërisë.
Pjesë nga deklarata:
Sepse është e qartë tashmë në sytë e të gjithë shqiptarëve që kjo nuk është çështja Balluku, por është çështja Rama, dhe në qoftë se gjithë pikëpyetja është pse në gjithë rastet e tjera propaganda e Ramës ka qenë që ne nuk do të bëjmë kurrë avokatinë e asnjë deputeti apo asnjë zyrtari të korruptuar apo që hetohet nga prokuroria; përkundrazi, do t'i japim direkt dritën jeshile prokurorisë sa herë ajo të kërkojë mandatin për deputetët e Partisë Socialiste.
Ndërkohë, në rastin Balluku, në aferën e tunelit Llogara, mbi 50 milionë euro vjedhje dhe mbi gjashtë lote që u shtuan më pas në aferën korruptive dhe ndërhyrjen në vendosjen e fituesve të tenderave të ndryshëm, kemi mbi dy muaj e gjysmë që kërkesa e Prokurorisë Speciale pranë parlamentit pret zyrtarët e Partisë Socialiste, dhe tashmë është gjetur një alibi që presin raportin e Ulsi Manjës për të vendosur për zonjën Balluku.
Ndërkohë, në seancën e fundit nga prokurorët specialë është bërë e qartë që ka pasur intimidim të dëshmitarëve, ka pasur intimidim nga zyrtarë pranë zonjës Balluku, por gjithashtu rrezikohet prishja e provave.
Më lejoni t'ju them vetëm një fakt: në pyetjen që është bërë në Këshillin e Mandateve, në qoftë se kjo ishte një përndjekje politike apo jo, vetë avokati i zonjës Balluku ka pranuar që nuk është një përndjekje politike, duke treguar mjaft qartë se në atë moment seanca plenare duhej të ishte mbledhur menjëherë për këtë çështje, sepse duhet të kuptojmë që vetë Kuvendi nuk është as prokurori, as gjykatë. Nuk mund të përcaktojë masat e sigurisë, sikundër thotë zoti Manja, dhe është e mjaftueshme tashmë që ka ndodhur shkarkimi i zonjës Balluku, sepse nuk është detyra jonë ta bëjmë këtë gjë. Nuk jemi as gjykatë për të përcaktuar nëse imuniteti është i nevojshëm apo jo; e vetmja gjë që sheh Kuvendi është fakti nëse ka përndjekje politike apo jo, dhe faktikisht imuniteti është përdorur gjithmonë për deputetët e opozitës, sepse ata janë më të linçuar apo mund të kenë përndjekje politike. Fakti që zvarritet kjo çështje tregon një dyfishtë standard.
Kjo tregon fare qartë jo vetëm fakti që nuk po lejojnë prokurorinë të veprojë, duke u bërë pengesë për drejtësinë, por gjithashtu pengesë për vendin, sepse mos harrojmë deklaratat e europarlamentarit David McAllister në Tiranë dhe në Parlamentin Europian, ku europarlamentarët ngritën shqetësimin dhe thanë qartë që çështja Balluku është test për procesin e integrimit të Shqipërisë.
Pra, nuk kemi thjesht një person që po mban peng gjithë procesin e drejtësisë në sensin e hetimit të zyrtarëve të lartë, por edhe propozimet ligjore që kanë ardhur në parlament për ndryshimin e Kodit të Procedurës Penale, ku synohet të krijohet një bunker juridik, një mbrojtje politike nga kryeministri dhe e gjithë qeveria.
Pra, unë e them gjithmonë: në qoftë se për qytetarët ka burg për parkimin e gabuar, për mospagimin e energjisë, për çdo kundravajtje, nga ana tjetër kemi qasje të ndryshme për të tjerët.
Këtu nuk ka më barazi para ligjit, dhe në qoftë se nuk do të ketë masa të qarta në seancën e datës 12 mars, kjo mazhorancë nuk do t'i japë dritën jeshile imunitetit të zonjës Balluku. Në fakt, kjo vë në pikëpyetje ekzistencën e shtetit ligjor të vendit tonë, duke rrezikuar seriozisht procesin e integrimit europian.
Kjo situatë tregon farsën e kryeministrit Edi Rama me reformën në drejtësi dhe faktin që drejtësinë e kishte krijuar dhe mbështetur Partia Socialiste. Me rastin Balluku tregohet qartë që jo vetëm në mënyrë të paprecedentë për parlamentin vonohet dhënia e dritës jeshile për prokurorinë, por po kërkohen amendamente për të krijuar mbrojtje politike ndaj zyrtarëve të lartë, sikundër veprohet në Serbi me Aleksandar Vučić.
Paralelisht, kryeministri Rama ka dalë në një editorial të përbashkët me presidentin e Serbisë, ku kërkon që të ketë vetëm integrim formal europian dhe Shengen, dhe jo integrim mbi vlera dhe standarde të Bashkimit Europian, si një përpjekje për të fituar kohë dhe për t'i hedhur hi syve shqiptarëve.
Procesi i integrimit europian ka të bëjë me shtetin ligjor, zgjedhje të lira dhe të ndershme, të drejtat e njeriut, dhe jo vetëm me tregun ekonomik. Kryeministri nuk mund të bëjë deklarata pa diskutim të brendshëm apo parlamentar dhe të kërkojë integrim formal, ndërkohë që shqiptarët kërkojnë një integrim thelbësor me institucione të pavarura, të forta, dhe standarde që të aplikohen në Shqipëri si për të gjithë anëtarët e Bashkimit Europian.
