Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
POLITIKE
"Rama kontrollon drejtësinë," Beleri flet për median greke: U bë një grusht shteti që unë të mos merrja detyrën e kreut të bashkisë Himarë
n.fPërditësimi i fundit 28 Maj 2024, 22:06
Beleri
GREQI- Mediat greke kanë kthyer edhe një herë vëmendjen nga kryetari i zgjedhur i bashkisë së Himarës, Fredi Beleri. Kësaj here media greke “Alpha” ka folur nga burgu me Belerin i cili ka thënë se vazhdon të qëndrojë në qeli në mënyrë të paligjshme.
Beleri tha se ai merr forcë nga mbështetja e banorëve të Himarës, por edhe të gjithë grekëve. Ai gjithashtu shtoi se se regjimi shqiptar dhe Rama kontrollon drejtësinë dhe pothuajse të gjitha pushtetet në Shqipëri. Belri tha se ata janë në një grusht shteti dhe nuk më lejuan të merrte detyrat që i besuan populli i Himarës.
“Qëllimi im ishte të merrja detyrën si kryetar i Bashkisë Himarë. Duke qenë se regjimi shqiptar dhe zoti Rama kontrollojnë drejtësinë dhe pothuajse të gjitha pushtetet në Shqipëri, ata në një grusht shteti nuk më lejuan të merrja detyrat që më besuan populli i Himarës”, ka thënë Beleri.
Ai më tej gjatë fjalës së tij e cilësoi padrejtësi dhe hall burgosjen e tij prej një viti, por shtoi se këto i kishte marrë parasysh kur hyri në betejën për kryebashkiakun e Himarës.
“Mbështetja e popullit himariot më jep forcë dhe kurajo, tani mbështetja e të gjithë grekëve. Nuk mund ta imagjinoni se sa mesazhe mbështetëse marr nga shumë bashkatdhetarë të mi nga të gjitha trevat e Greqisë”, shtoi ai.
“Lufta jonë është e drejtë dhe në fund do të fitojmë ”, tha ai.
Beleri shtoi se Rama gjatë 11 viteve që ka qenë në pushtet ka ndarë në të mirë dhe të këqij grekët që jetojnë dhe punojnë në Shqipëri, vartësit e tij dhe ata që janë kundërshtarë.
"Unë kisha zgjedhur të jem kundërshtar i tij, jo për ndonjë ideologji apo për ndonjë interes personal, por sepse pashë që të gjitha vendimet e tij si kryeministër ishin kundër himariotëve dhe grekëve, banorëve vendas," shtoi ai.
Në lidhje me kandidimin e tij për eurodeputet, ai tha se është një detyrim i madh, një nder i madh që i është bërë nga kryeministri grek.
“Zgjedhja ime në Parlamentin Europian, nëse bëhet me ndihmën e Zotit dhe, natyrisht, të grekëve kudo, do të më japë mundësinë të vazhdoj luftën time për demokraci dhe për shtet ligjor. Nga kjo betejë duhet të dalim krenarë dhe të lirë. Forca e tyre më jep forcë për të duruar dhe për t’i çuar gjërat më tej. Të çojmë zërin e minoritetit grek në Europë,” përfundoi ai.
Fredi Beleri i cili garoi nën siglën e koalicionit ‘Bashkë Fitojmë” në zgjedhjet lokale të 14 Majit u arrestua nga policia disa orë para zgjedhjeve pasi u kap duke bërë pazare me votat. Aktualisht Beleri është duke vuajtur dënimin 2 vite burg të dhënë nga Shkalla e Parë, nën akuzën për korrupsion në zgjedhje. Arrestimi dhe dënimi i tij me 2 vite burg solli reagime të ashpra nga palët greke, të cilat e quajtën vendimin e gjykatës skandaloz dhe jo në përputhje me ligjin. Politikanë të palëve greke kanë kërkuar disa herë lirimin e Belerit, ndërsa vënë në pikëpyetje edhe anëtarësimin e Shqipërisë në BE, duke thënë se "Rruga e Shqipërisë për në BE, kalon nga Greqia." Beleri është edhe kandidat për eurodeputet nga radhët e partisë së kryeministrit greke Kyriakos Mitsotakis.
