Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
POLITIKE
VIDEO/ Silva Caka bëhet “kapaku” i tenxheres së korrupsionit të Edi Ramës. Ja çfarë thoshte ajo për Lefter Kokën kur iu bashkua PS
PiranjatPërditësimi i fundit 25 Shtator 2025, 20:12
Shkaktoi jo pak bujë emërimi i ish-deputetes së LSI-së, Silva Caka si zëvendësministre e Brendshme. Edhe pse një nga zërat kritik nga radhët e opozitës, Caka duket se ka evoluar jo pak kohët e fundit. Ndërsa dikur e quante qeverinë e Edi Ramës si tejet të korruptuar dhe të gjithë ata që i bashkoheshin atij i etiketonte si të korruptuar ose në gjuhën popullore ka gjetur tenxherja kapakun, tani duket se ka ndryshuar qëndrim ose thjesht ajo i është përshtatur tenxheres “plot” korrupsion të Edi Ramës.
Silva Caka: Ne kemi sondazhet tona të brendshme që çdo ditë janë në punë për të parë edhe reagimin e qytetarëve, për të parë edhe pëlqyeshmërinë. LSI nuk është prodhuar nga emra dhe nuk është bërë ajo që është bërë për shkak të emrave. Janë bërë emrat nga PSI dhe kjo forcë politike nuk mbetet peng i asnjë emri dhe i asnjë personazhi sado rëndësi që ti jetë dhënë atij në një qark të caktuar. Mua nuk më vjen fare natyrshëm që të them prisni të shohim...por realisht do të kërkoja nga të gjithë që të kenë durim dhe të shohin, të paktën çfarë do të ketë në qarkun e Beratit. Ç’të them.
Të gjithë emrat që janë larguar sot nga ai dikur i ka rekrutuar, janë akuzuar. Kështu që mbase kanë gjetur veten aty me Edi Ramën, me gjithë ato aferat e tij korruptive. Unë mendoj që thjesht...andej nga anët e mia thonë që ka gjetur ‘tenxherja kapakun’, kështu që u rrotullua kapaku dhe shkoi gjeti tenxheren e vet.
