Makina e re e Edi Ramës nuk qenka blerë nga shteti, por është marrë me qira. Dhe për pagesën, qeveria ka një sqarim: f...
POLITIKE
SPAK kërkon arrestimin e Ballukut/ Anëtarët e Këshillit të Mandateve marrin USB me 10 mijë faqe prova
PiranjatPërditësimi i fundit 19 Dhjetor 2025, 16:55
Shtyhet mbledhja e Këshillit të Mandateve, ku u shqyrtua imuniteti i zv.kryeministres, Belinda Balluku. Mbledhja u shoqërua me debate, ndërsa edhe për vendimin për shtyrjen e mbledhjes, që ende nuk e ka një datë, nuk u gjet dakordësia nga pala e PD.
Ndërkohë anëtarët kanë marrë USB me 10 mijë faqe prova të SPAK ndaj Ballukut.
Pas mbledhjes, Gazment Bardhi u shpreh: “Kemi kërkuar sipas rregullores së Kuvendit që mbledhja e sotme të ishte transparente për qytetarët. Sigurisht duke lënë të mundshëm opsionin sa herë prokuroria do informonte anëtarët e këshillit të Rregullores, ne të ndërprisnim mbledhjen dhe të largonim median nga mbledhje.
Sot u zbulua skenari pse e kishte kyçur USB, u bë për t’i dhënë alibi Ballukut për shtyrjen e mbledhjes se nuk ka lexuar të plotë materialin. Për fat të keq u zbulua skenari që Edi Rama nuk e ka vendosur ende çfarë do bëjë me Ballukun dhe po i jep kohë vetes për tu njohur me materialet. U bënë aq qesharak sa kërkuan që mbledhja e radhës të jetë pas 1 muaji, pra më datë 20 janar. Çdo vonesë mund të rrezikojë provat ose intimidimin e dëshmitarëve”, tha Bardhi.
