Një seri manovrash janë përdorur nga Belinda Balluku, për të përfituar një vilë luksoze me pishinë në një...
POLITIKE
Jorida Tabaku: Balluku nuk ka vepruar e vetme, të dorëhiqet bashkë me Ramën
PiranjatPërditësimi i fundit 22 Nëntor 2025, 18:52
Deputetja demokrate Jorida Tabaku deklaron se Belinda duhet të japë dorëheqjen. Ajo tha se dorëheqjen duhet ta japë edhe kryeministri Rama, pasi sipas saj Balluku nuk ka vepruar e vetme.
Tabaku tha se nuk e sheh çështjen Balluku si përgjegjësi te disa punonjës që ndajnë tenderat. Ajo shton se në këtë rast përgjegjësia është politike, morale, është e qeverisë, por është edhe ligjore.
“Unë mendoj se në planin personal është në momentin më të vështirë. Në profilin si politikan duhet të kishte vendosur një standard si dorëheqja që në këtë qeveri nuk ekziston, e një zvkryeministre që i hap rrugë drejtësisë, të vendoste standardin e transparencës. Ndodhemi në një moment që sinjali që duhet të jepet është që duhet të kemi frikë nga ligji, por ato që lexova nga dosja, duket se nuk ka patur fare frikë nga ligji.
Balluku menaxhonte gjysmën e buxhetit të shtetit, kontrata qindra milionëshe, të cilat i kemi denoncuar dhe jemi sulmuar në Kuvend, pse i denoncojmë. Morali politik do ta kërkonte që të jepte dorëheqjen, në të kundërt ajo erdhi dhe sulmoi opozitën.
Kjo për mua është e pakonceptueshme. Një gjë që që kam mësuar këtë vit është kompromisi i fjalës dhe unë nuk bëj kompromis me fjalën. Kam bërë reagimet e mia, kam kërkuar dorëheqjen, Balluku ka qenë te komisioni hetimor për inceneratorët….Fundin e kësaj historie e shoh me dorëheqjen e zotit Rama, sikurse me inceneratorët. Përgjegjësia është politike, morale, e qeverisë por dhe ligjore.“- tha Tabaku në News24.
