Një kallëzim i ri penal i shtohet çështjes së abuzimit me fondet e filialit të Postës Shqiptare në Durrës.
Sipas...
POLITIKE
Trump pezullon financat për institucionet/ Klodiana Lala tregon çfarë merrte SPAK nga SHBA më parë: Prokuroria e Posaçme nuk ka marrë fonde në kuptimin e pagave
E.DPërditësimi i fundit 30 Janar 2025, 21:55
TIRANË- Gazetarja Klodiana Lala, ka shpjeguar se çfarë asistence ka marrë SPAK deri tani nga SHBA para se të vinte Trump në pushtet. Lala e ftuar në emisionin "Të Paekspozuarit" në MCN TV, tha se duke qenë se fondet e SHBA për të gjithë botën janë pezulluar nga SPAK, kjo asistencë për SPAK nuk do të vijojë. Lala tha gjithashtu se SPAK është asistuar në disa drejtime, në operacione ndërkombëtare për trafikun e kokainës, është asistuar nga agjentë federalë apo nga DEA.
Gazetarja thekson se kur u krijua SPAK, disa prej tyre udhëtuan drejt SHBA dhe u trajnuan për teknika specifike të hetimit, që kishin të bënin jo me krimin e organizuar, por mënyrën si kërkohej prova, pra kontrollet në banesa, fotografimet, sekuestrimin qoftë edhe të rrobave siç ndodhi në kontrollin e fundit të Veliaj, pra janë të trajnuar dhe janë fonde amerikane.
"SPAK është institucion i krijuar me ligj të posaçëm dhe financohet nga buxheti i shtetit. Pagat e prokurorëve, ndihmësve, po ashtu edhe garantimi i jetës së prokurorëve, etj. SPAK nuk ka marrë fonde nga SHBA, në kuptimin e pagave.
SPAK është asistuar në disa drejtime, në operacione ndërkombëtare për trafikun e kokainës, është asistuar nga agjentë federalë apo nga DEA. Është asistuar me programe trajnimi. Kur u krijua SPAK, disa prej tyre udhëtuan drejt SHBA dhe u trajnuan për teknika specifike të hetimit, që kishin të bënin jo me krimin e organizuar, por mënyrën si kërkohej prova, pra kontrollet në banesa, fotografimet, sekuestrimin qoftë edhe të rrobave siç ndodhi në kontrollin e fundit të Veliaj, pra janë të trajnuar dhe janë fonde amerikane.
Ka patur raste kur SHBA ka mbështetur me pajisje të specializuara, pajisje përgjimi, dekodimi i telefonave, për gjurmët e gishtave, ADN, etj. Ka patur edhe asistencë nga ekspertë për çështje specifike. Pak a shumë e njëjta ndihmë ka ardhur edhe nga vende të BE. Për rastin e kriptomonedhave ka patur tre agjentë belgë që kanë bashkëpunuar. Problemin nuk e shoh te paraja, por më të madhe
Përshembull në vitin 2018 në ish Bllok ndodhi një masakër shumë e rëndë, një i vrarë dhe disa të plagosur. Prokurorisë iu deshën 90 mijë euro për të dërguar jashtë vendit një celular. Ndërsa tani, për shkak të ndihmës nga amerikanët, nuk ishte e nevojshme që celularët të shkojnë kështu, sepse vonohej dhe kompromentohej hetimi, duke u dërguar në Izrael, ndihma e ekspertëve amerikanë, solli risi në mënyrën se si hetoheshin dosjet. Nëse kjo ndihmë ndërpritet, së pari, pavarësisht eksperiencës që mund të kenë marrë prokurorët, mund të cedojë në cilësinë e hetimeve, kjo për asistencën.
Së dyti, bashkëpunimi nëpërmjet letërporosive. Më parë ishte rrugë shumë e gjatë, donte një cikël të gjatë, të paktën tre vite. Disa letërporosi në Peru, Ekuador, për Dritan Rexhepi, janë sot pas nëntë vitesh pa përgjigje. SPAK e kishte ezauruar këtë pjesë, kishte komunikim direkt me thuajse pjesën më të madhe të institucioneve jashtë vendit, me SHBA, Belgjikë, Hollandë, etj. Problemi është, a do të ketë SHBA të njëjtën mbështetje? Kjo është çështja", tha ndër të tjera Lala.
