Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
"Vëllai i Ramës i përzier në trafikun e drogës!" Reportazhi i rrjetit "Arte": Njerëzit e qeverisë në Shqipëri drejtojnë tregtinë ndërkombëtare të trafikut të narkotikëve
M.B.Përditësimi i fundit 16 Prill 2025, 14:48
TIRANA- Një reportazh me titull “Drogë, dollarë, diplomaci: Vallëzimi i Shqipërisë me BE-në” është publikuar nga rrjeti franko-gjerman, "Arte". Ndër të tjera në reportazh thuhet se në portin e Durrësit, porti më i madh i Shqipërisë, futet një pjesë e madhe e drogës duke gjeneruar sasi të mëdha parash të pista. Media ndërkombëtare shton se tregtia e drogës lulëzon dhe se supozohet se njerëz të ngushtë të qeverisë aktuale janë në Kolumbi, por edhe në Meksikë, për të drejtuar tregtinë ndërkombëtare të trafikut të drogës.
"Arte" thotë se kartelet e drogës janë të lidhur ngushtë me politikën dhe se ata financojnë fushatat zgjedhore, sigurojnë fonde publike dhe mbështesin politikanë. Në reportazh përmendet se dy ish-ministra të brendshëm të kryeministrit Edi Rama kanë qenë të lidhur me trafikun e drogës dhe kanë dhënë dorëheqje pas presioneve publike.
Mes të tjerash thuhet se opozita shqiptare nuk i sheh përgjegjësit në port dhe se vendimet për trafikun e drogës merren në nivele më të larta. Në dokumentar shtohet se edhe vëllai i vogël i Ramës është i përzier në trafikun e drogës duke theksuar se Olsi Rama akuzohet se bashkë me një bandë ka sjellë sasi të mëdha kokaine në BE në vitin 2014.
Disa pjesë të shkëputura nga reportazhi:
Pjesë nga reportazhi: Nuk është vetëm politikani i opozitës konservatore, Gent Strazimiri, që akuzon qeverinë se ndihmon trafikun e drogës në sasi të mëdha. Edhe ekspertët ndërkombëtarë përllogarisin se një pjesë e madhe e drogave të forta në BE, kalon përmes Shqipërisë drejt kontinentit.
Pjesë nga reportazhi: Porta hyrëse është porti më i madh i Shqipërisë. Pikërisht këtu në Durrës futet një pjesë e madhe e drogës duke gjeneruar sasi të mëdha parash të zeza... Megjithatë tregtia e drogës lulëzon. Supozohet se njerëz të ngushtë të qeverisë aktuale janë në Kolumbi, por edhe në Meksikë, për të drejtuar tregtinë ndërkombëtare të trafikut të drogës.
Berisha: Realiteti në këtë vend është se Shqipëria është një narkoshtet i plotë. Rama ka pritur në zyrën e tij një bos të Sinaloas meksikane. Kjo për shkak se tani dy shqiptarë janë lart në drejtimin e kartelit të Sinaloas pas arrestimit të El Çapos. Këta dy shqiptarë janë shumë të fuqishëm atje. Një prej tyre është fotografuar duke hyrë në zyrën e Ramës dhe ka marrë një licencë kazinoje.
Pjesë nga reportazhi: Kartelet e drogës janë të lidhur ngushtë me politikën. Ata financojnë fushatat zgjedhore, sigurojnë fonde publike dhe mbështesin politikanë. Edhe pse në televizione tregohet rregullisht lufta kundër mafies së drogës, gangsterët e niveleve të larta ndikojnë edhe në zgjedhjen e ministrave. Dy ish-ministra të brendshëm të Edi Ramës kanë qenë të lidhur me trafikun e drogës dhe kanë dhënë dorëheqje pas presioneve publike.
Pjesë nga reportazhi: Opozita shqiptare nuk i sheh përgjegjësit në port. Vendimet për trafikun e drogës merren në nivele më të larta. Edhe vëllai i vogël i Edi Ramës është i përzier në trafikun e drogës. Olsi Rama akuzohet se bashkë me një bandë ka sjellë sasi të mëdha kokaine në BE në vitin 2014.
