Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
Vijon tradita e zhvatjes, Anuela Ristani ecën në hapat e lali Erit/ I jep tendera gruas së Valter Begajt që ndodhet në burg për korrupsion dhe pastrim parash
PiranjatPërditësimi i fundit 23 Tetor 2025, 15:36
Anuela Ristani, kryetare e Bashkisë Tiranë, ka vazhduar një traditë të administratës së mëparshme, duke ecur në hapat e Erion Veliajt, dhe kjo faktohet, ku kryebashkiakja në detyrë, i ka dhënë tenderat për projektet e rindërtimit pas tërmetit kompanisë "Net Group", e cila është pronë e Loreta Vallja, bashkëshortes së Valter Begajt. Ky i fundit është i arrestuar nga SPAK për korrupsion dhe pastrim parash, dhe akuzohet për përfshirje në skema korruptive me ish-drejtorin e ARRSH-së, Evis Berberi.
Në tenderin me objekt "Riaftesimi strukturor i ndërtesës nr. 31, Krrabë", i shpallur më 25 gusht 2023, janë ndjekur procedura të dyshimta, ku nga tre studio pjesëmarrëse, dy janë përjashtuar menjëherë, ndonëse kishin paraqitur oferta më të ulëta se fituesi i paracaktuar, kompania "Net Group". Tenderi është shpallur me një fond limit prej 1 020 000 euro (pa TVSH). Ky tender është shënuar nga Open Data Albania me një "Flamur të Kuq", shenjën e riskut të korrupsionit.
Pas arrestimit të Valter Begajt, ai ia ka kaluar pronësinë e "Net Group" bashkëshortes së tij, Loreta Vallja, për të shmangur sekuestrimin nga SPAK. Kjo lëvizje është bërë në një veprim noterial më 4 dhjetor 2025, dhe u pasua nga një tender me vlerë 70 mijë euro dhënë kompanisë nga Dritan Agolli, drejtor i Fondi Shqiptar të Zhvillimit, i cili është po ashtu i përfshirë në skema korruptive me oligarkët Bashkim Ulaj dhe Shkëlqim Fusha.
Pavarësisht që Begaj ishte në burg në kohën kur tenderi i fundit i ishte dhënë kompanisë Net Group, hetimet e SPAK-së kanë zbuluar lidhjet e ngushta mes tij dhe Evis Berberit, ish-drejtorit të ARRSH-së, i cili konsiderohet si person kyç për pastrimin e parave të përfituara nga tenderët e manipuluar. Këto lidhje, sipas dosjes së SPAK, datojnë që para se Berberi të merrte detyrën në Ministrinë e Infrastrukturës dhe Energjitikës, ku ai shiti aksionet e kompanisë DAAM te Begaj për një vlerë 1.7 milionë euro, ndërkohë që i kishte blerë ato për vetëm 800 euro.
