Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Me ish-kryebashkiakun në burg, zbulohet porosia e Ramës në takimin me strukturat e PS të Tiranës
PiranjatPërditësimi i fundit 3 Tetor 2025, 18:31
Ndërkohë që kryetarin e Bashkisë së Tiranës e ka në burg, kryeministri Edi Rama kërkon nga strukturat e Partisë Socialiste angazhim sa më të madh për të siguruar fitore në Tiranë. Gjatë mbledhjes që u mbajt ditën e sotme në një prej hoteleve në kryeqytet, Rama ka deklaruar se fitorja e Tiranës nuk vjen vetëm nga një njeri.
"Dua të kemi një fitore sa më të madhe," mësohet të ketë thënë Rama.
Nëse ka bindje që populli e ndjek nuk ka pse e kërkon nga strukturat fitoren. Pyetja që lind është: Mos ndoshta po kërkon që të përdoren të gjitha makinacionet që përfundimi të jetë fitore e PS? Begaj dekretoi para dy ditësh datën 9 nëntor për zgjedhjet e pjesshme në 6 Bashki, përfshi dhe Tiranën. Dekretimi i Begajt për zgjedhjet në Tiranë erdhi një ditë pasi Kushtetuesja e quajti procesin të pezulluar. Bashkitë që do të hyjnë në zgjedhje të parakohshme janë Tiranë, Vlorë, Berat, Mat, Cërrik dhe Tepelenë. Në tre bashki Berat, Mat dhe Tepelenë, kryetarët dhanë dorëheqjen për tu bërë deputetë.
Në Cërrik, kryetari i bashkisë Andis Hasalla u emërua në kabinetin qeveritar si Ministër i Bujqësisë. Në Vlorë kryetari i bashkisë Ermal Dredha dha dorëheqjen pas sulmeve të Ramës. Ndërsa në Tiranë Veliaj u shkarkua nga Këshilli Bashkiak me urdhër nga kryeministri Rama.
