Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
Zgjedhjet në Tiranë/ PD mbledh nesër Kryesinë, në fokus bisedimet me aleatët për kandidatin e përbashkët
PiranjatPërditësimi i fundit 3 Tetor 2025, 15:39
Partia Demokratike do të mbledhë mesditën e nesërme Kryesinë, ku pritet që të jenë në qendër diskutimet për zgjedhjet e pjesshme. Mësohet se në këtë mbledhje do të informohet nga grupi i punës rreth ecurisë së bisedimeve me aleatet në lidhje me përfaqësimin në zgjedhjet vendore të datën 9 nëntor.
"Te dashur miq. Neser diten e Shtune ne ora 13:00 do zhvillojme mbledhje Kryesie me rend dite:: 1-Informim nga grupi i punes rreth ecurise se bisedimeve me aleatet ne lidhje me perfaqesimin ne zgjedhjet vendore te dt 9 Nentor. 2- Diskutime dhe vendimmarrje mbi organizimin e procesit zgjedhor ne 6 bashkite qe hyjne ne zgjedhje . Faleminderit",- thuhet në njoftimin dërguar anëtarëve të Kryesisë së Partisë Demokratike.
Edhe pse selia blu e konsideron antikushtetuese shpalljen e dekretit të presidentit për zgjedhjet në kryeqytet, për shkak se Erion Veliaj i është drejtuar me ankesë Gjykatës Kushtetuese për shkarkimin e tij, PD-ja nuk do t’i bojkotojë zgjedhjet për Bashkinë e Tiranës.
Partia Mundësia i ofroi në tryezë demokratëve tre kandidatë, profile jopolitike, si Edlira Çepani, Ermal Hasimja dhe Florian Haçkaj. Si forca më e madhe e opozitës, Partia Demokratike do të përzgjedhë në bazë të propozimeve, megjithatë ajo ka bërë gati edhe kandidaturat e saj.
Selia blu është hermetike për të zbuluar emrat, pasi ka planifikuar që dy kandidatë të përzgjedhur prej saj të bëhen publikë në mbledhjet e forumeve.
Kryesia dhe kryetarët e degëve të Tiranës janë takimet e para të planifikuara në selinë blu.
