Partia Demokratike ka reaguar në lidhje me deklaratat e Komisioneres për Zgjerimin, Marta Kos, se qeveria dhe Edi Rama e kishte siguruar se, gjith&cce...
Kryedemokrati Sali Berisha dënoi sot nga mbledhja e Grupit Parlamentar të PD-së, kërcënimet e adresuara ndaj deputetes së largua...
SHOWBIZ
Bebe Rexha: Kam realizuar gjithçka kam dëshiruar në jetë, përveç dashurisë!
PiranjatPërditësimi i fundit 18 Shkurt 2026, 12:43
Këngëtarja shqiptare Bebe Rexha, ka folur së fundmi për rrugëtimin e saj artistik dhe projektet e reja muzikore, përfshirë albumin e shumëpritur “Dirty Blonde”.
Gjatë intervistës në emisionin e njohur amerikan “The Jennifer Hudson Show”, artistja ndau një kujtim personal nga rinia e saj, duke treguar se kur ishte ende e panjohur, kishte shkruar në derën e dhomës në shtëpinë e prindërve në New York një mesazh motivues për veten se një ditë do të bëhej superyll dhe do të kompozonte hite ndërkombëtar.
Ajo tregoi se gjatë jetës ka bërë shumë “manifestime” apo dëshira që i ka projektuar me bindje për të ardhmen e saj, duke përmendur se shumë prej tyre janë realizuar, nga bashkëpunimet e para me marka e deri te paraqitjet në “talk show” të mëdha.
Megjithatë, ajo pranoi me sinqeritet se ka një dëshirë që ende nuk i është plotësuar plotësisht, dashuria.
“Kam pasur shumë manifestime dhe shumica janë bërë realitet… përveç dashurisë”, u shpreh këngëtarja, ndërsa moderatorja e inkurajoi duke i thënë se për këtë ka ende kohë.
Edhe më parë, Bebe Rexha ka folur pa komplekse për lidhet e saj romantike, ku nuk ka kursyer as pakënaqësitë që ka ndaj tyre.
Ajo është shprehur se në këtë epokë të jetës, ndjen se është e detyruar të bëj rolin e një burri pasi vetë burrat nuk e bëjnë.
“Unë vërtet dua të jem në epokën time të vajzës lozonjare dhe të ëmbël, por nuk mundem sepse të gjithë burrat në planet janë në këtë epokë tani. Dhe dikush duhet të jetë burri,” shkruhet në postimin e publikuar nga ajo.
