Pak orë para protestës së paralajmëruar, Policia ka rrethuar me barriera metalike perimetrin pranë Parlamentit, nga Xhamia e Namazgja...
SHOWBIZ
Frymëzon çdo vajzë, modelja Oriola Marashi që kombinon hijeshinë e natyrshme me guximin në zgjedhjet e saj të modës
PiranjatPërditësimi i fundit 7 Tetor 2025, 16:32
Modelja shqiptare me famë ndërkombëtare, Oriola Marashi, ka tërhequr sërish vëmendjen me një paraqitje tërheqëse dhe plot shkëlqim në zemër të Parisit, ku ndodhet për angazhime profesionale dhe evente mode.
Në një set fotografik të realizuar pranë simbolit më ikonik të qytetit, Kullës Eiffel, Oriola shfaqet me një stil sensual dhe elegant, që kombinon hijeshinë e natyrshme me guximin në zgjedhjet e saj të modës.
E veshur me një korse me print leopardi, të kombinuar me një fund të zi klasik dhe çorape të zeza të holla, modelja 27-vjeçare ka sjellë një pamje të rafinuar dhe urbane, tipike të stilit “chic parisien”. Aksesorët minimalë – bizhuteri të lehta dhe një çantë elegante me zinxhir të artë – kanë kompletuar më së miri këtë paraqitje, duke e bërë atë një nga daljet më të komentuara të ditës.
Pamjet, të realizuara në një tarracë luksoze me sfondin romantik të Parisit, janë pritur me shumë interes në rrjetet sociale, ku Oriola numëron mijëra ndjekës. Vetëm pak orë pas publikimit, postimi i saj ka marrë dhjetëra mijëra pëlqime dhe komente, ku fansat e komplimentojnë për elegancën, karizmën dhe shijen e veçantë në modë.
Mund të themi se me çdo dalje publike, Oriola Marashi po konfirmon statusin e saj si një nga figurat më të rëndësishme të modës shqiptare dhe një ikonë e stilit që vazhdon të frymëzojë.
