Një qytetar i është drejtuar redaksisë me një denoncim lidhur me një situatë që, sipas tij, po ndodh në zonë...
SHOWBIZ
Java e modës në Paris, Rita Ora ndriçon në pasarelë midis emrave të mëdhenj botërorë
PiranjatPërditësimi i fundit 30 Shtator 2025, 13:43
Rita Ora tërhoqi vëmendjen në mënyrë spektakolare mbrëmjen e së hënës në Paris, në kuadër të Javës së Modës. Këngëtarja 34-vjeçare u pa teksa mbërrinte në hotelin luksoz Costes, e veshur me një kostum të gjatë prej dantelle, me prerje të thellë deri mbi kërthizë, duke nxjerrë në pah barkun e tonifikuar dhe stilin e saj të guximshëm.
E kombinuar me taka të zeza elegante dhe syze dielli, artistja u ndal për të përshëndetur fansat përpara se të hynte në darkën festive. Më vonë, Rita u pa në shoqërinë e supermodeles Kate Moss duke u larguar nga një festë ekskluzive e organizuar nga YSL.
Ndërkohë, dita e parë e Javës së Modës në Paris shënoi edhe sfilatën madhështore të L'Oréal, ku emra të mëdhenj si Kendall Jenner, Heidi Klum, Cara Delevingne dhe Helen Mirren ndriçuan pasarelën. Një prani surprizë ishte ajo e Molly-Mae Hague, ish-ylli i Love Island, e cila debutoi me vetëbesim në një fustan argjendi sateni, duke treguar transformimin e saj pas sfidave me imazhin trupor.
Përveç angazhimeve të saj në eventet e modës, Rita Ora është në qendër të vëmendjes edhe për projektin e saj muzikor më të fundit, këngën All Natural. Gjatë një interviste për BBC Radio 2, këngëtarja foli për përvojën frymëzuese të bashkëpunimit me ikonën australiane Kylie Minogue, të cilën e konsideron si një "motër".
“Mbështetja e Kylie-t më ka ndihmuar të eksploroj anën më personale të vetes dhe të sjell diçka më të ndjeshme në muzikën time,” tha Rita. Ajo shtoi se All Natural është ndër projektet më të sinqerta dhe të hapura që ka realizuar ndonjëherë, duke shënuar një etapë të re në rrugëtimin e saj artistik.
