Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
SHOWBIZ
Martin Shkreli përballet me akuza për kopjimin e albumit unik të Wu-Tang Clan, ja çfarë thotë organi i akuzës
PiranjatPërditësimi i fundit 1 Tetor 2025, 16:36
Martin Shkreli, biznesmen i njohur për skandalet financiare dhe i përfolur si “Pharma Bro”, do të përballet me një proces gjyqësor për akuzat se ka bërë kopje të paligjshme të albumit unik të grupit hip-hop Wu-Tang Clan, “Once Upon a Time in Shaolin”.
Një gjyqtar federal në Brooklyn ka vendosur të mos e hedhë poshtë padinë e ngritur nga kompania PleasrDAO, e cila është pronarja aktuale e albumit. Sipas tyre, Shkreli ka shpërndarë dhe luajtur në publik versionet digjitale të albumit, duke shkelur marrëveshjet dhe duke dëmtuar rëndë vlerën e tij si vepër unikale dhe e papërsëritshme.
Shkreli bleu albumin në vitin 2015 për 2 milionë dollarë, por më pas iu konfiskua nga qeveria amerikane pas dënimit të tij për mashtrim financiar. Në vitin 2021, PleasrDAO, një kolektiv që merret me artin digjital dhe asetet unike, bleu të drejtat mbi albumin.
Në padinë e tyre, ata pretendojnë se Shkreli ka mbajtur dhe shpërndarë kopje të fshehta të albumit, ndonëse kjo shkel qartë kontratën që i ndalonte të riprodhonte apo të transmetonte përmbajtjen muzikore.
Gjyqtarja Pamela Chen vendosi që çështja duhet të shkojë në gjyq, duke refuzuar përpjekjet e Shkrelit për ta mbyllur rastin. Megjithatë, disa nga akuzat janë rrëzuar për arsye procedurale, kryesisht për shkak të mbivendosjes me ligjet e të drejtave të autorit.
PleasrDAO kërkon nga Shkreli që t’i dorëzojë çdo kopje që ka, të zbulojë me kë i ka ndarë ato dhe të paguajë dëmshpërblime.
Albumi “Once Upon a Time in Shaolin” është një prej projekteve më misterioze në historinë e muzikës, një kopje e vetme fizike e prodhuar nga Wu-Tang Clan, pa shpërndarje dixhitale, me qëllimin për të ruajtur vlerën artistike dhe origjinalitetin e tij.
