Një ngjarje e rëndë është regjistruar në afërsi të ishujve të Ksamilit, ku është gjetur i pajetë n...
SHOWBIZ
Nicole Kidman dhe Keith Urban përjetojnë fundin e martesës, si u zbulua çifti famshëm i showbiz-it që po ndahen
PiranjatPërditësimi i fundit 30 Shtator 2025, 13:57
Një nga çiftet më të dashur të showbiz-it, Nicole Kidman dhe Keith Urban, i ka dhënë fund martesës së tyre pas gati dy dekadash bashkëjetese. Aktorja australiano-amerikane dhe muzikanti country thuhet se janë ndarë prej muajsh, ndërsa zyrtarisht kanë vendosur të ndjekin rrugë të ndara.
Të fundit herë kur u panë bashkë në publik ishte në qershor të këtij viti, gjatë ndeshjes së Kupës së Botës për Klube të FIFA-s midis Los Angeles FC dhe Esperance Sportive de Tunis. Edhe pse prania e tyre në event ngjalli interes, ekspertët e gjuhës së trupit vërejtën se diçka nuk shkonte mes tyre.
“Në të kaluarën ata ishin të njohur për afeksionin publik, për përqafimet, buzëqeshjet, shikimet plot dashuri. Këtë herë, gjithçka dukej e ndryshme,” u shpreh ekspertja Louise Mahler për Daily Mail. Ajo vuri re tension të fshehur në sjelljen e Nicole, duke theksuar një moment kur aktorja lëvizte dorën në mënyrë të pasigurt, ndërsa Keith shmangte shikimin.
Eksperti tjetër, Scott Taylor, tha se çifti dukej i distancuar dhe i përmbajtur emocionalisht, një ndryshim i qartë nga paraqitjet e mëparshme ku nuk mungonte as kontakti i syve dhe as buzëqeshjet. Ai shtoi se qëndrimi i nofullave të tyre, pak më të ulëta se zakonisht, është një sinjal i zakonshëm i shqetësimit apo tensionit të brendshëm.
Sipas burimeve për Page Six, Kidman kishte shpresuar ende për një pajtim dhe për të shpëtuar martesën, por pavarësisht përpjekjeve, çifti nuk arriti të kapërcejë sfidat. Thuhet se ata kanë jetuar të ndarë që nga fillimi i verës së këtij viti.
Lajmi për divorcin e tyre ka befasuar fansat në mbarë botën, pasi Nicole dhe Keith ishin parë shpesh si një model i një martese të suksesshme në botën e famës, duke ndarë momente të dashurisë në tapetin e kuq dhe në evente publike ndër vite.
