Një grup deputetësh dhe kolegësh nga shumë parti në Britani po kërkojnë një ligj të ri për të adresuar ...
SOCIALE
“Torturohemi për një abone”, pensionisti: Ju lutem vendosni një pikë afër lagjes, erdha nga Fresku!
Nga Xhuljan FerzajPërditësimi i fundit 1 Maj 2026, 10:17
Pensionistët duhet të përballen me rradhë të gjatë, dhe disa orë pritje për të marr abonenë, në kioska që ndodhen larg banesave të tyre pasi nuk ka pika në çdo lagje të Tiranës.
Një 80 vjeçar, tregoi për Piranjat News se kishte mbi dy orë që priste në rradhë pranë kioskës në zonën e Brrylit, Tiranë.
“Në këtë zonë ku ndodhemi, tek stacioni i autobusit pranë kabinës së Brrylit, kemi vështirësi sepse është gjithë fresku, Xhamlliku, Oxhaku, zona e shkollës së Bashkuar, nuk kanë një pikë për të shpërndarë abonenë e pensionistëve, por grumbullohemi të gjithë tek kioska e Brrylit.
Bëhet një rrëmujë e madhe njerëzish, si gra edhe burra, prandaj ju lutemi vendosni një pikë në mes të kësaj zone, për të lehtësuar njerëzit të marrin këto dokumente që ka dhënë shteti për pensionistët”, tha i moshuari për Piranjat News.
Pensionistët, kërkojnë që pikat e shpërndarjes së aboneve të vendosen afër lagjeve të tyre, largësia dhe pritja disa orë në rradhë iu rrezikon shëndetin.
Në fund të muajit, pensionistët mblidhen në rradhë të gjata pranë pak kioskave të caktuara në Tiranë, një shqetësim që duhet të marrë zgjidhje sa më parë nga institucionet përgjegjëse./Piranjat News
