Mariglen Lalës që iu vendos tritol mëngjesin e sotëm rezulton person me precedente kriminale, i akuzuar dhe burgosur për grabitje.
A...
SPORT
Grumbullimi i Real Madridit: Militao rikthehet në listë, mungon Valverde
PiranjatPërditësimi i fundit 4 Prill 2026, 12:06
Real Madrid ka publikuar listën e lojtarëve të grumbulluar për ndeshjen kundër Mallorcës, ku lajmi kryesor është rikthimi i mbrojtësit brazilian Eder Militao.
Pas rikuperimit nga një dëmtim muskulor i pësuar në dhjetor kundër Celta-s, Militao është sërish në dispozicion të trajnerit.
Edhe pse pritet të nisë nga stoli, kthimi i tij është thelbësor për skuadrën në fazën vendimtare të sezonit.
Një tjetër rikthim i rëndësishëm në listë është ai i Raúl Asencio, gjë që i mundëson trajnerit të ketë në dispozicion të gjithë mbrojtjen, me përjashtim të të dëmtuarit Mendy, për herë të parë që nga marrja e detyrës.
Kjo ofron më shumë opsione dhe stabilitet në prapavijë për “Los Blancos”.
Megjithatë, trajneri do të duhet të përballet me mungesa të rëndësishme. Më e ndjeshme është ajo e Fede Valverde, i cili mungon për shkak të pezullimit pas kartonit të kuq në derbin e fundit.
Kësaj mungese i shtohen edhe ato të Rodrygo-s, Courtois-s dhe Mendy-t, të cilët vazhdojnë të jenë në infermieri.
Ndërkohë, Ceballos, pavarësisht se është rikthyer në stërvitje me grupin, nuk është përfshirë në listë pasi nuk është ende 100% i gatshëm për kërkesat e kësaj ndeshjeje.
