Një qytetare që mori pjesë në protestë ka reaguar ashpër ndaj situatës në vend, duke ngritur shqetësime për ...
AKTUALITET
“Vrasje e kryer në gjendje të tronditjes së fortë psikike”/ Arrestohet Klementin Islamaj, dënuar me 3 vite e 4 muaj burg
PiranjatPërditësimi i fundit 5 Maj 2026, 17:02
Policia e Sarandës ka ekzekutuar vendimin e gjykatës duke vënë në pranga 43-vjeçarin Klementin Islamaj, banues në fshatin Shalës të Konispolit.
Arrestimi u krye pasi Gjykata e Shkallës së Parë e Juridiksionit të Përgjithshëm Sarandë e ka dënuar atë me 3 vite e 4 muaj burg. I dënuari u shpall fajtor për veprën penale “Vrasje e kryer në gjendje të tronditjes së fortë psikike”.
Si ndodhi ngjarja?
Ngjarja e rëndë daton më 10 gusht 2024, në familjen Islamaj në Shalës, ku sipas hetimeve, 69-vjeçari Hysen Islamaj, babai i Klementinit, kishte vrarë bashkëshorten e tij, 66-vjeçaren Shano Islamaj, më pas, ai kishte kanosur dhe sulmuar edhe të birin.
Sipas dëshmisë së dhënë nga vetë Klementin Islamaj në kohën e ngjarjes, ai ishte përballur me një skenë të rëndë në banesë, ku kishte gjetur nënën e tij të plagosur rëndë dhe babanë që e kishte sulmuar. Në gjendje të rënduar psikologjike dhe i frikësuar për fatin e fëmijëve, ai kishte reaguar duke e goditur të atin me grushte dhe shkelma.
Pas incidentit, ai ka treguar se kishte tentuar t’i jepte ndihmë babait dhe kishte kërkuar ndërhyrjen e ambulancës, ndërsa nëna e tij ndërroi jetë pak çaste më vonë. Burime bëjnë me dije se, edhe pas gati dy vitesh nga ngjarja, 43-vjeçari ndodhet në gjendje të rënduar psikike. Ndërkohë, me ekzekutimin e vendimit të gjykatës, ai do të vuajë dënimin e dhënë për këtë çështje të rëndë familjare.
