Autoritetet ukrainase kundër korrupsionit, NABU dhe SAPO, kanë nisur një aksion ndaj zyrtarëve të Prokurorisë së Përgj...
AKTUALITET
5 orë betejë me flakët, zjarrfikësit dhe ushtria izolojnë zjarrin te tregu i "5 Majit"
PiranjatPërditësimi i fundit 9 Janar 2026, 08:00
Zjarri i madh që ka rënë herët, mbrëmjen e kësaj të enjte në tregun e rrobave të përdorura në zonën e "5 Majit", njohur edhe si ish-uzina "Dinamo", është vënë në kontroll nga ekipet e shërbimit zjarrfikës dhe ato të ushtrisë.
Lajmin e jep Prefekti i Qarkut Tiranë, Afrim Qendro vlerëson maksimalisht punën e të gjithë ekipeve të angazhuara dhe u shpreh mirënjohjen, sepse siç thekson, ndërhyrja e tyre është deçizive për të garantuar jetën dhe pronën e qytetarëve.
"Orë të vështira në Tiranë te "5 Maji" pas zjarrit që ra te tregu e që rrezikoi banesat aty pranë. Falë ndërhyrjes profesionale të Shërbimit Zjarrfikës e Forcave të Armatosura më pas, flakët u vunë nën kontroll dhe situata u neutralizua", shkruan ai.
Vënien nën kontroll të situatës me zjarrin në tregun e rrobave të përdorura e ka konfirmuar edhe ministrja e Brendshme, Albana Koçiu, e cila thotë se situata mbetet nën monitorim të vazhdueshëm nga strukturat përkatëse deri në shuarjen totale të flakëve.
Në këtë operacion janë angazhuar 15 mjete dhe rreth 70 forca nga Shërbimet Zjarrfikëse të Tiranës, Kamzës, Vorës dhe Elbasanit. Gjithashtu, në operacion janë bashkuar ekipet dhe mjetet e zjarrfikëses së Forcave të Armatosura, si dhe shërbimi i Ujësjellës-Kanalizimeve me 8 autobote.
"Të gjitha strukturat tona janë në gatishmëri të plotë, duke ndërhyrë paralelisht si në zonat e përmbytura nga reshjet intensive të ditëve të fundit, ashtu edhe në zjarrin e sotëm, për garantimin e sigurisë së qytetarëve. Bashkë në çdo sfidë", shkruan ministrja.
