Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Këshilli i Lartë Gjyqësor cakton 42 gjyqtarë të rinj në gjykatat e qyteteve të ndryshme të vendit, ja shpërndarja e tyre
PiranjatPërditësimi i fundit 22 Tetor 2025, 15:39
Këshilli i Lartë Gjyqësor, ka shpërndarë sot në detyrë 42 gjyqtarët e rinj, të cilët do të shërbejnë në 11 gjykata të vendit. Gjyqtarët e rinj janë shpërndarë në gjykatat e qyteteve si Berati, Elbasani, Fieri, Gjirokastra, Korça, Kukësi dhe Lezha.
Emërimi i gjyqtarëve të rinj u realizua më 31 korrik, ndërkohë që shpërndarja e tyre në gjykatat përkatëse është realizuar sot, pas një periudhe prej gati tre muajsh.
Mësohet se ceremonia e betimit të gjyqtarëve të rinj do të zhvillohet nesër.
Njoftimi:
Këshilli i Lartë Gjyqësor, KLGJ miratoi të mërkurën projekt-vendimet për caktimin në detyrë të 42 magjistratëve të rinj, që përfunduan Shkollën e Magjistraturës në vitin akademik 2024-2025. Emërimi i tyre si magjistratë gjyqtarë u krye më 31 korrik, por caktimi në detyrë është bërë vetëm sot, pas gati 3 muajsh. Ceremonia e betimit pritet të bëhet nesër.
Shpërndarja e gjyqtarëve është si më poshtë: i) tre pozicione në Gjykatën e Shkallës së parë të Juridiksionit të Përgjithshëm Berat; ii) shtatë pozicione e Shkallës së parë të Juridiksionit të Përgjithshëm Elbasan, iii) shtatë pozicione në Gjykatën e Shkallës së parë të Juridiksionit të Përgjithshëm Fier; iv) dy pozicione në Gjykatën e Shkallës së parë të Juridiksionit të Përgjithshëm Gjirokastër; v) dy pozicione në Gjykatën e Shkallës së parë të Juridiksionit të Përgjithshëm Korçë.
vi) dy pozicione në Gjykatën e Shkallës së parë të Juridiksionit të Përgjithshëm Kukës; vii) katër pozicione në Gjykatën e Shkallës së parë të Juridiksionit të Përgjithshëm Lezhë; viii)një pozicion në Gjykatën e Shkallës së parë të Juridiksionit të Përgjithshëm Sarandë; ix) pesë pozicione në Gjykatën e Shkallës së parë të Juridiksionit të Përgjithshëm Shkodër; x) dy pozicione në Gjykatën e Shkallës së parë të Juridiksionit të Përgjithshëm Vlorë; xi) shtatë pozicione në Gjykatën Administrative të Shkallës së Parë Lushnjë.
Prej vettingut, gjykatave në vend që sipas organikës duhet të kishin 417 gjyqtarë kanë vetëm 308 gjyqtarë të emëruar, nga të cilët janë efektivisht në detyrë 265. Në situatë më dramatike shfaqet Gjykata e Apelit e Juridiksionit të Përgjithshëm, që duhet të ketë në përbërje 78 gjyqtarë. Me caktimin e magjistratëve të rinj, numri i gjyqtarëve efiktivisht në detyrë shkon në 307, ndërsa i të emëruarve shkon 350. Mbeten ende edhe 67 vende vakante në gjykata.
Shpërndarja e magjistratëve në 11 gjykata -3 në Gjykatën e Shkallës së Parë të Juridiksionit të Përgjithshëm Berat -7 në Elbasan -7 në Fier -2 në Gjirokastër -2 në Korçë ·2 në Kukës -4 në Lezhë -1 në Sarandë -5 në Shkodër 2 në Vlorë -7 në Gjykatën Administrative të Shkallës së Parë Lushnjë.
