Dy persona janë plagosur me armë zjarri mbrëmjen e sotme në zonën e Laprakës në Tiranë.
Ngjarja dyshohet se ka ndodhur ...
AKTUALITET
“Lëreni Botërorin, bashkohuni me ne!”/ Protestuesit thirrje tifozëve në shesh t'i bashkohen revoltës kundër qeverisë
PiranjatPërditësimi i fundit 19 Qershor 2026, 19:35
Ndërsa protesta e 20-të kundër kryeministrit Edi Rama vijon me marshimin e qytetarëve drejt Kryeministrisë, një moment i veçantë është regjistruar në Sheshin “Skënderbej”, ku është ngritur një zonë e dedikuar për ndjekjen e ndeshjeve të Botërorit.
Teksa kalonin pranë ambientit ku dhjetëra qytetarë po ndiqnin ndeshjet në ekranin gjigant, protestuesit kanë ndaluar për disa çaste dhe u kanë bërë thirrje të pranishmëve të lënë futbollin dhe t’i bashkohen protestës.
Me thirrje si “Ejani me ne!”, “Çohuni!” dhe “Bashkohuni me protestën!”, pjesëmarrësit në marshim kanë kërkuar më shumë angazhim qytetar në lëvizjen që prej 20 ditësh po kundërshton qeverinë.
Momenti ka tërhequr vëmendjen e të pranishmëve në shesh, ndërsa protestuesit kanë vijuar më pas marshimin e tyre, duke përsëritur thirrjet kundër kryeministrit Edi Rama dhe qeverisë.
Organizatorët e protestës kanë deklaruar se mobilizimi do të vazhdojë edhe në ditët në vijim, duke theksuar se objektivi kryesor mbetet largimi i kryeministrit dhe ndryshimi i kursit politik të vendit.
