Mbi 80 ditë protesta në Shqipëri, nuk kanë pasur ndikim vetëm mbi bulevardin e tiranës në të cilin vërshuan në...
AKTUALITET
Ministria e Mbrojtjes: 32 vatra zjarri në 24 orët e fundit, 6 ende aktive
Piranjat NewsPërditësimi i fundit 22 Gusht 2026, 10:19
Ministria e Mbrojtjes informon se gjatë 24 orëve të fundit janë raportuar 32 vatra zjarri në të gjithë vendin. Prej tyre, 6 mbeten aktive, ndërsa 4 janë nën mbikëqyrje.
Në operacionet e djeshme u angazhuan 726 forca operacionale dhe 44 automjete zjarrfikëse. Forcat e Armatosura dhanë mbështetje me 270 efektivë, 5 automjete zjarrfikëse, 4 helikopterë dhe 2 avionë “Air Tractor”.
Situata në vatrat kryesore:
Në Gojan–Gjegjan, Pukë, operacioni i përforcuar vijon me 190 forca në terren: 32 efektivë të MZSH me 7 mjete zjarrfikëse, 13 punonjës të shërbimit pyjor, 60 punonjës të shërbimeve vendore, 45 vullnetarë/banorë dhe 40 efektivë të FA. Në mbështetje janë angazhuar 1 ekskavator, 1 mjet zjarrfikës dhe 2 helikopterë të Forcave të Armatosura.
Në Tenë, Mirditë, operacioni vazhdon me 30 efektivë të FA, mjete zjarrfikëse të FA dhe Bashkisë Mirditë, shërbimin pyjor dhe strukturat vendore. Aktualisht nuk ka rrezik për banesat.
Në Dukat, Vlorë, vatra mbetet aktive, por me intensitet të ulët. Sot operojnë 77 forca: 10 efektivë MZSH, 12 forca të Njësisë Administrative Orikum dhe 55 efektivë të FA. Banesat nuk rrezikohen.
Në Malin e Dajtit, Tiranë, një pjesë e vatrave është izoluar plotësisht. Sot vijon ndërhyrja në vatrat e mbetura me 30 efektivë të FA. Nuk ka rrezik për zonat e banuara.
Në Bërshi, Klos, pas vënies nën kontroll, disa vatra u riaktivizuan gjatë natës për shkak të erës. Në operacionin e deritanishëm janë angazhuar 85 forca, përfshirë 30 efektivë të FA, si dhe mjete zjarrfikëse.
Në Shtuf, Mirditë, vatra mbetet aktive. Ndërhyrja vijon aty ku e mundëson terreni, ndërsa pjesët e thepisura e vështirësojnë përdorimin e mjeteve zjarrfikëse.
Monitorim i vazhdueshëm
Agjencia Kombëtare e Mbrojtjes Civile (AKMC) vijon të ndjekë në mënyrë të pandërprerë situatën në të gjithë territorin e vendit, në koordinim të ngushtë me prefekturat, bashkitë dhe të gjitha strukturat e sistemit të Mbrojtjes Civile. Kapacitetet operacionale mbeten të angazhuara në terren dhe në gatishmëri për të ndërhyrë aty ku situata e kërkon, me prioritet mbrojtjen e jetës, banesave dhe pasurisë së qytetarëve./Piranjat News
