Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Kreu marrëdhënie seksuale me një 13-vjeçare, dënohet me 12 vite burg Simon Gjoka
PiranjatPërditësimi i fundit 20 Tetor 2025, 12:07
Gjykata e Lezhës ka shpallur dënimin me 12 vite burg për Simon Gjokën, një 38-vjeçar nga Miloti, i cili u arrestua fillimisht për vjedhje bagëtish, por gjatë hetimeve doli se kishte pasur marrëdhënie seksuale me një vajzë të mitur.
Prokuroria kishte kërkuar një dënim më të rëndë prej 18 vitesh burg, por pas përfshirjes së gjykimit të shkurtuar, Gjoka përfitoi një ulje prej 1/3 të dënimit, duke bërë që ai të vuajë 12 vite heqje lirie për dy akuzat, “Vjedhje e kryer në bashkëpunim” dhe “Marrëdhënie seksuale me të mitur”.
Pavarësisht mohimeve të tij gjatë procesit gjyqësor, trupi gjykues e shpalli fajtor në të dyja akuzat.
Një nga dëshmitë më të rëndësishme në procesin gjyqësor ishte dëshmia e vajzës 13-vjeçare, e cila, në prani të nënës dhe psikologut, ka pohuar se kishte pasur marrëdhënie me Gjokën dhe se ato kishin ndodhur “me dëshirë”. Ajo gjithashtu ka deklaruar se 38-vjeçari e kishte prezantuar me persona të tjerë, çka ka ngritur dyshime për mundësinë e shfrytëzimit të saj për prostitucion.
Hetimet kanë zbuluar se në telefonin e vajzës janë gjetur foto intime që i kishte dërguar Gjoka, i cili kishte një marrëdhënie miqësore me nënën e të miturës, një grua që shiste qirinj pranë kishës së Shna Ndout në Laç.
Simon Gjoka u arrestua në shkurt 2025, pasi u zbulua se ishte i përfshirë në vjedhjen e bagëtive në fshatin Gajush dhe dyshohet për disa vjedhje të tjera në zonat përreth. Gjatë hetimeve dhe përgjimeve të telefonit të tij, policia konstatoi komunikime komprometuese me vajzën e mitur, çka çoi në zgjerimin e hetimeve dhe ngritjen e akuzës për marrëdhënie seksuale të paligjshme.
