Teksa vendi ynë prej 53 ditësh po përballet me protesta masive, ku kërkohet dorëheqja e kryeministrit Edi Rama, mesazhi i arkitekti i...
POLITIKE
Tedi Blushi ju drejtohet socialistëve: Po miratoni avokatin e djallit, jo të popullit!
PiranjatPërditësimi i fundit 11 Dhjetor 2025, 12:42
Seanca parlamentare për zgjedhjen e Avokatit të ri të Popullit është përfshirë nga debate të ashpra dhe akuza të rënda nga foltorja e Kuvendit.
Kreu i grupit parlamentar të PL, Tedi Blushi tha se mazhoranca po imponon një kandidat të papërshtatshëm dhe po shkel procedurat kushtetuese.
Në fjalën e tij, Blushi e cilësoi kandidatin e mbështetur nga mazhoranca si një “shëmti politike” dhe një instrument për thellimin e “axhendës së George Soros në Shqipëri”.
Sipas tij, mazhoranca ka gjetur personin e duhur për të përfaqësuar këtë axhendë, duke injoruar plotësisht vullnetin e opozitës dhe parimet e një procesi konsensual.
Blushi theksoi se procesi është i pavlefshëm proceduralisht, pasi deputetët e opozitës janë tërhequr nga të gjitha firmat e dhëna në mbështetje të kandidaturave. Ai kujtoi se për t'u bërë kandidat për Avokat Populli nuk mjafton vullneti i individit, por kërkohen firmat mbështetëse të deputetëve, të cilat në këtë rast mungojnë nga ana e opozitës.
Duke sqaruar se opozita nuk mbështet asnjë prej kandidatëve të paraqitur për votim, deputeti e quajti procesin “antikushtetues”.
Fjala e deputetit Tedi Blushi
"Është e drejta juaj të vazhdoni në këtë axhendë, por meqë jemi tek aspekti procedural, dua t'ju kujtoj se kandidat për avokat të popullit nuk të bën shprehja e vullnetit të kandidatit, por të bën firma e deputetit.
Deputetët janë tërhequr, deputetët e opozitës, nga të gjitha firmat e dhëna në mbështetjen e kandidaturave.
Ju doni të avanconi me një kandidat që në vlerësimin tim është një shëmti politike. Shumë mirë që doni të vazhdoni me këtë kandidat, sepse po u tregoni të gjithë shqiptarëve se jeni të vendosur për të vazhduar thellimin e axhendës së George Sorosit në Shqipëri. Keni gjetur kandidatin e duhur.
Një shëmti politike që ju përfaqëson sot më së miri. Megjithatë, unë mendoj se këto dy orë të djegura për një debat shterpë, pra, ju jeni të vendosur për të kapur të gjitha pushtetet për të shkatërruar shtetin, por të paktën duhet të diskutonim për buxhetin e vitit të ardhshëm, sepse kjo çështje besoj, është çështje vullneti politik, kjo e avokatit të popullit. Nuk është çështje procedurale. Doni ta kapni dhe këtë pushtet? Kapeni.
Keni zgjedhur shëmtirën më të denjë që ju përfaqëson ju dhe axhendën tuaj, axhendën e George Sorosit. Këtë u thoni shqiptarëve sot. Ta gëzoni kandidatin në qoftë se doni të vazhdoni me këtë axhendë, por mos u përpiqni t'i justifikoni me pretendimin se këtë kandidat e ka zgjedhur opozita
. Opozita qartësisht po sqaron se nuk mbështet asnjë kandidat nga këta të cilët ju, në mënyrë antikushtetuese, sepse rregullorja buron nga Kushtetuta, i keni kaluar sot për miratim në seancë. Është në turpin tuaj të vijoni axhendën e ligjit me 77 vota, anti-familje, po zgjidhni dhe njeriun e duhur që përfaqëson axhendën tuaj. Vazhdoni, jeni në rrugën e duhur të shkatërrimit të shtetit.
Megjithatë, dua, dua t'ju kujtoj që është momenti për të folur për shqiptarët dhe jo për shëmtirat politike dhe njerëzore që doni t'i paraqisni para avokatit të popullit.
Ju sot nuk po miratoni avokatin e popullit, po miratoni avokatin e djallit, sepse axhenda Soros është axhenda e djallit, po miratoni avokatin anti-familje, avokatin që do miratojë të gjithë shkeljet e lirive dhe të drejtave të njeriut. Faleminderit".
