Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
AKTUALITET
VIDEO/ Lufta kundër terrorizmit e sulmet kibernetike, policia kontroll në kampin e MEK në Manzë të Durrësit!
PiranjatPërditësimi i fundit 20 Qershor 2023, 10:42
DURRËS- Policia e Shtetit me vendim të GJKKO-së dhe urdhër të SPAK, po kryen kontrolle të të gjitha ambienteve dhe zyrave në kampin e MEK, në Manzë të Durrësit, ku janë strehuar aktivistë të opozitës iraniane.
Burime bëjnë me dije se urdhri i kontrolleve bëhet në kuadër të luftës kundër terrorizmit dhe parandalimin e sulmeve kibernetike.
‘Në zbatim të urdhër-kontrolleve të nxjerra nga Gjykata, Policia e Shtetit ka marrë masa për zbatimin e tyre, me planin e kontrollit të ambienteve në territorin e kampit MEK, duke zbatuar me rigorozitet etikën dhe komunikimin e duke respektuar të drejtat dhe liritë themelore të të gjithë qytetarëve dhe komunitetit që banon në këtë kamp.’- njofton policia.
Në kampin e MEK ka mbërritur edhe drejtori i Përgjithshëm i Policisë së Shtetit Muhamet Rrumbullaku. Report Tv sjell edhe pamjet nga kontrolli i policisë në kampin e muxhahedinëve në Manzë. Kampi ‘ASHRAF 3’ prej vitit 2013 strehon rreth 3000 opozitarë iranianë!
Shqipëria në shtator të vitit 2022 ka ndërprerë marrëdhëniet diplomatike me Iranin! Ndërprerja erdhi pasi sipas qeverisë shqiptare kishte prova të pakundërshtueshme se Irani ka financuar sulmin kibernetik ndaj shërbimeve online, gjë që nga ndikuar në marrjen e vendimit për të prishur marrëdhëniet zyrtare me këtë shtet. Për ndërprerjen e marrëdhënieve, kryeministri Edi Rama tha se janë vënë në dijeni edhe aleatët strategjikë, vendet partnere të NATO-s dhe disa vende të tjera mike të Shqipërisë.
