Revolta kundër ndërtimeve në Zvërnec nuk është kufizuar vetëm brenda Shqipërisë. Dje dhe sot, shqiptarë që...
BOTA
Aksidenti i rëndë rrugor, humbasin jetën tragjikisht tre adoleshentë
PiranjatPërditësimi i fundit 19 Tetor 2025, 13:12
Një aksident rrugor i rëndë ndodhi në orët e para të mëngjesit të së dielës, më 19 tetor 2025, në Asiago, Itali, ku tre të rinj rreth moshës 20 vjeç, humbën jetën. Ngjarja ndodhi në rrethrrotullimin e Via Verdi, në provincën e Vicenzës, rreth orës 03:30, kur një automjet Peugeot 207, me pesë pasagjerë, humbi kontrollin dhe u përplas me shatërvanin në qendër të rrethrrotullimit.
Aksidenti ishte fatal për tre prej të rinjve, të cilët ndërruan jetë në vend. Viktimat, të cilët ishin banorë të komunave Lusiana Conco dhe Creazzo në zonën e Vicenzës, ishin në makinë së bashku me dy të rinjtë e tjerë, të cilët u plagosën. Njëri prej tyre, 21 vjeç, ka pësuar lëndime të rënda dhe ndodhet në gjendje kritike në spitalin Bassano del Grappa, ndërsa tjetri ka marrë lëndime më të lehta.
Pamjet e kamerave të sigurisë në zonë kapën aksidentin dhe tregonin se automjeti po udhëtonte me shpejtësi të lartë. Ai kaloi një ishull trafiku pa respektuar përparësinë dhe goditi një shenjë rrugore, përpara se të përplasej me shatërvanin në qendër të rrethrrotullimit.
Kryetari i bashkisë së Asiagos, Roberto Rigoni Stern, shpalli ngushëllime për familjet e viktimave dhe e cilësoi ngjarjen si “një përplasje shkatërruese, si një fishekzjarr”. Ai e vlerësoi këtë si një moment të dhimbshëm dhe e shprehu shqetësimin për sigurinë rrugore gjatë natës, veçanërisht për të rinjtë, të cilët ishin duke u kthyer nga një festë ditëlindjeje.
Ky aksident ndodhi një muaj pas një tjetër ngjarje tragjike në zonën e Asiagos, kur 13-vjeçari Stefano Angonese u godit për vdekje nga një automjet ndërsa po ecte buzë rrugës në Lusiana Conco.
