Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Pas largimit të Dodik, Bosnja emëron presidentin e përkohshëm të Republika Serbska
PiranjatPërditësimi i fundit 19 Tetor 2025, 08:16
Parlamenti i Republikës Srpska (RS), entitetit me shumicë serbe në Bosnjë dhe Hercegovinë, ka emëruar Ana Trišić Babić si presidente të përkohshme të entitetit, duke zëvendësuar Milorad Dodik, presidenca e të cilit u anulua në gusht pas konfirmimit të dënimit me një vit burg dhe ndalimit gjashtëvjeçar për mbajtje të funksioneve publike, për shkak të mosbindjes së përsëritur ndaj vendimeve të Përfaqësuesit të Lartë Ndërkombëtar në BiH.
Vendimi për emërimin e saj u miratua mbrëmë vonë nga Kuvendi i Republikës Srpska me 48 vota pro dhe katër kundër.
Trišić Babić ka një karrierë të gjatë politike, duke shërbyer për më shumë se 15 vjet si këshilltare e Dodik, ndërsa nga viti 2007 deri në 2015 ka mbajtur postin e Zëvendës Ministres së Jashtme të Bosnjës dhe Hercegovinës. Emërimi i saj erdhi në një vakuum institucional, pasi as kushtetuta e entitetit e as ligji nuk parashikojnë qartë se kush merr detyrën në rastet e forcës madhore.
Mandati i saj pritet të zgjasë pak më shumë se një muaj, meqë zgjedhjet e parakohshme presidenciale në RS janë caktuar për 23 nëntor.
Emri i Trišić Babić është gjithashtu ndër ata që përmenden në qarqet politike si kandidat potencial për kryenegociatore të Bosnjës dhe Hercegovinës me Bashkimin Evropian, në një moment kur vendi synon të përshpejtojë procesin e integrimit evropian mes tensioneve të brendshme dhe sfidave institucionale.
