Detaje të reja kanë dalë në dritë për aksidentin e rëndë të ndodhur në Glyfada të Athinës, ku humb&e...
BOTA
Habit Gjenerali: Burrat që ulen në gjunjë për të propozuar do të arrestohen
PiranjatPërditësimi i fundit 28 Mars 2026, 15:33
Djali i Presidentit të Ugandës, Yoweri Museveni, dhe Shefi i Forcave të Mbrojtjes të vendit, Gjenerali Muhoozi Kainerugaba, ka deklaruar se burrat që ulen në gjunjë për të propozuar një grua për martesë duhet të përballen me arrest. Me anë të një postimi në X, Muhoozi kritikoi traditën e uljes në gjunjë para një gruaje, duke e cilësuar atë si të panevojshme dhe jo vendase.
“Kjo marrëzi perëndimore e uljes në gjunjë para një gruaje për t’i kërkuar martesë… është llum. Do të fillojmë të arrestojmë burrat që e bëjnë këtë! Nëse jeni ugandez dhe uleni në gjunjë para një gruaje për çfarëdolloj gjëje, do të shkoni në burg. Mund të shpëtoni vetëm nëse thoni se jeni kongolez, nigerian ose ndonjë kombësi tjetër,” shkroi ai.
Kjo deklaratë vjen pak muaj pas një debati të krijuar nga Muhoozi mbi admirimin e tij për superyllin global, Beyoncé, ndërsa me shaka sfidonte bashkëshortin e saj, Jay-Z. Në një postim të 25 marsit 2025, ai deklaroi se Jay-Z mund të bënte çfarë të donte, por ai do t’i merrte Beyoncé-n.
Muhoozi propozoi një duel në lindje të diellit, duke shtuar se ishte i gatshëm të paguante pajën me lopë për të martuar këngëtaren amerikane: “Edhe sa kohë do të pres për Beyoncé-n? A e di ajo sa shumë lopë kam unë?”
