Teksa vendi ynë prej 53 ditësh po përballet me protesta masive, ku kërkohet dorëheqja e kryeministrit Edi Rama, mesazhi i arkitekti i...
BOTA
Marrëveshja e armëpushimit, Izraeli merr trupat e 3 pengjeve
PiranjatPërditësimi i fundit 3 Nëntor 2025, 10:03
Izraeli ka marrë tre arkivole të tjera me eshtrat e pengjeve që vdiqën në robëri në Rripin e Gazës, tha zyra e kryeministrit izraelit Benjamin Netanyahu.
“Izraeli ka marrë, nëpërmjet Kryqit të Kuq, arkivolet e tre pengjeve të rënë, të cilat iu dorëzuan një force të IDF-së dhe ISA-së brenda Rripit të Gazës.
Prej andej, ata do të transferohen në Izrael”, tha zyra e Netanyahut.
“Më pas ata do të transferohen në Qendrën Kombëtare të Mjekësisë Ligjore të Ministrisë së Shëndetësisë.
Pas përfundimit të procesit të identifikimit, njoftimi zyrtar do t’u dorëzohet familjeve të tyre.”
“Përpjekja për të kthyer pengjet tona është e vazhdueshme dhe nuk do të ndalet derisa të kthehet edhe pengu i fundit”, thuhet në njoftim.
Izraeli dhe Hamasi rifilluan bisedimet indirekte të ndërmjetësuara nga Egjipti, Katari, Shtetet e Bashkuara dhe Turqia për zgjidhjen e situatës në Rripin e Gazës më 6 tetor.
Më 9 tetor, palët në konflikt nënshkruan një marrëveshje mbi zbatimin e fazës së parë të planit të armëpushimit në Gaza të Presidentit të SHBA-së Donald Trump.
Armëpushimi hyri në fuqi më 10 tetor.
Më 13 tetor, Hamasi dhe grupe të tjera palestineze liruan të 20 pengjet e gjalla dhe dorëzuan trupat e katër pengjeve të vdekur sipas marrëveshjes së armëpushimit në Gaza.
Pala izraelite shprehu pakënaqësi që Hamasi ktheu vetëm katër nga 28 trupat e pengjeve të vdekur.
Më vonë, Hamasi transferoi disa trupa të tjerë në Izrael.
