Deputetja e Partisë Socialiste, Elisa Spiropali, i është drejtuar me një letër publike kryeministrit Edi Rama, pas protestave të d...
BOTA
Vetëm një jave në detyrë, Trump shkarkon sekretaren e shtypit të Shtëpisë së Bardhë
PiranjatPërditësimi i fundit 16 Tetor 2026, 21:36
Presidenti amerikan Donald Trump ka vendosur të largojë Katie Zacharia nga detyra e sekretares së shtypit të Shtëpisë së Bardhë, pas vetëm një jave në këtë pozicion.
Sipas këshilltarëve të presidentit, vendimi vjen pas një fillimi të vështirë në detyrë, debutimit të saj të kritikuar në konferencën për shtyp dhe pyetjeve të ngritura nga mediat lidhur me të kaluarën e saj.
Trump kishte lënë të kuptohej më herët se Zacharia duhet të rishqyrtonte vazhdimin në këtë rol. Duke folur me gazetarët të premten, ai tha se e kishte këshilluar të mendonte nëse pozicioni ishte i duhuri për të.
“Sinqerisht, po të isha në vendin tënd, do ta rishqyrtoja”, mësohet t’i ketë thënë Trump, duke shtuar se nuk mendonte se ajo kishte nevojë të vazhdonte në këtë detyrë.
Gjatë një prononcimi për mediat, teksa po largohej nga Shtëpia e Bardhë për një tubim politik në Xhorxhia, Trump tha se Zacharia ishte trajtuar padrejtësisht nga mediat dhe e cilësoi atë si një mbështetëse besnike. Megjithatë, ai pranoi se roli i zëdhënëses kryesore mund të mos ishte i përshtatshëm për të.
Ndërkohë, sipas raportimit të CNN Trump vazhdon ta respektojë dhe ta pëlqejë Zacharian si person, ndërsa një zyrtar i Shtëpisë së Bardhë konfirmoi se ajo po largohet nga posti dhe pritet të largohet nga administrata në ditët në vijim.
