Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
INVESTIGIME
Dënimi i dytë i një poetit! Bashkia e Kukësit, 'burgos' kujtimin e Havzi Nelës në një kapanon
M.B.Përditësimi i fundit 20 Dhjetor 2024, 21:47
KUKËS- Nëse përmendim Kukësin, shumë nga ne do ta lidhin historinë e këtij qyteti me një emër, poetin Havzi Nela. Të ekzekutuar nga regjimi komunist më 10 gusht të vitit 1988. Nela u var në mes të qytetit nga diktatura, pasi mendonte ndryshe. Ajo që e bën më të rëndë gjithë situatën është fakti se në vendin ku u var Havzi Nela, Bashkia e Kukësit ka dhënë një leje për ndërtimin e një kapanoni.
Pra, çdokush që vjen në Kukës dhe me dëshirën e mirë për të parë vendin ku është varur disidenti Havzi Nela, aty do të gjejë një kapanon, ndërsa dy shkopinjtë e hollë ku është varur një tabelë që tregon se aty është varur poeti Havzi Nela është lënë në cep të kapanonit.
Për këtë, ne shkuam direkt tek kryetari i Bashkisë së Kukësit, Albert Halilaj. Ky i fundit ka qenë dhe më herët në dijeni të rastit, pasi është kontaktuar nga kreun i Shoqatës së Përndjekurve Politikë, Besim Ndregjoni. Por fatkeqësisht nuk ka bërë asgjë. Halilaj u zotua se do e shohë këtë çështje me prioritet dhe se do të të gjendet një zgjidhje. Ndërsa kreu i Shoqatës të Përndjekurve Politikë, u shpreh se kjo që po ndodh në Kukës është një fyerje për të githë të përndjekurit.
Ndërkohë përpos faktit se kapanoni është ndërtuar mbi vendin ku është varur Havzi Nela, leja e dhenë nga Bashkia e Kukësit ka nxitur edhe më shumë përplasjen mes dy kushërinjve, Xhevdet dhe Adilmexhit Sopaj. Këta të fundit janë në konflikt të ashpër për pronësinë e pronës që në vitin 2015, ku nuk ka munguar as dhuna e fortë fizike ndaj djalit asokohe 17-vjeçar, të Xhevdetit, i cili u dhunua nga Adilmexhiteti dhe u godit me kazmë në bark.
Tani gjithçka është në dorën e Bashkisë së Kukësit, jo vetëm për t’i dhënë fund një konflikti disa vjeçar mes dy kushërinjve, por ccfarë është më e rëndësishmja t’iu rikthejë këtë kënd memorjeje familjarëve, ish-te përndjekurve dhe shkrimtarëve e poetëve dashamirës të cilët ccdo 10 Gusht vijnë nga të gjitha trevat shqiptare, për të përkujtuar poetin e lirisë Havzi Nela.
