Është hequr gardhi metalik që ishte vendosur para Kuvendit të Shqipërisë si barrikadë për të penguar protestë...
INVESTIGIME
Del video/ Polici i Përmetit nga patrullë në ‘telenovelë’: Romancë me të mitur, momenti intim dhe shantazhe miliona lekësh
PiranjatPërditësimi i fundit 18 Shtator 2025, 16:33
Në Përmet, qytetin e qetë ku zakonisht dëgjon cicërima zogjsh dhe jo ulërima skandalesh, na del një histori që ta prish stomakun: një efektiv policie, që në vend të ruante ligjin, qenka marrë me “romanca” me një 16-vjeçare nga Këlcyra.
Dhe jo, nuk është thashethem i lagjes – është bërë lajm, me prova, me video me gjithçka. Si gjithmonë, rrjetet sociale s’e lanë të kalonte pa zhurmë. Një postim mjaftoi dhe polici i Përmetit Artur Ago u bë kryefjalë, jo për arrestime, por për “dashuri të ndaluara”.
Piranjat do të sjellin të gjitha detajet e kësaj ngjarje që ka tronditur opinionin publik.
Hetimet zbuluan se përveç romancës së dyshuar, kemi edhe një “telenovelë” me video intime që enden virtualisht, dhe që ranë në dorë të disa shokëve të vajzës.
Këta shokë, Kristian Prifti 46 vjeç dhe shoku i tij Isi Pasho 27 vjeç të frymëzuar nga “mafia e Netflix-it”, tentuan të shantazhonin policin: “Na jep lekët, ose video bëhet virale”.
Dhe si të mos mjaftonte kjo, polici dhe një mik i tij (27 vjeç) nuk gjetën zgjidhje më të zgjuar sesa të kanosnin njerkun e vajzës. Po, njerkun, po ashtu dyshohet se ka ngacmuar seksualisht 16-vjeçaren për rreth 3 vjet.
Pra, polici shantazhohej, por ndërkohë shantazhonte të tjerë – një rreth vicioz më i ngatërruar se skemat e filmave. Fundja, nuk mbeti jashtë loje as njerku i 16-vjeçares, i cili gjithashtu përfundoi në pranga. Kështu që nga kjo histori, në vend që të kemi një hero policie, kemi një kast të plotë “aktorësh” për një serial të zymtë shqiptar: polici, shokët e vajzës, miku i policit dhe njerku./piranjat.al
