Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
INVESTIGIME
Si iu falën taksat e qytetarëve Xhemal dhe Kujtim Qefalisë
PiranjatPërditësimi i fundit 19 Shtator 2025, 20:52
Javën e kaluar ju treguam se si Drejtoria e Taksave dhe Tarifave Vendore në Bashkinë e Tiranës ishte shndërruar në një grup të strukturuar kriminal, që jo vetëm vidhte qytetarët, por i shkaktonte një dëm kolosal edhe vetë arkës së bashkisë më të madhe në vend.
Tani, në pjesën e dytë të audiopërgjimeve, zbardhen mekanizmat e brendshëm të kësaj skeme korruptive.
“50 mijëshet e përditshme” dhe zarfi nën dorë
Në regjistrimet e siguruara, inspektori Gerd Mihali, nën drejtimin e atëhershëm të Arli Naskës, shpjegon hapur një praktikë abuzive: përdorimin e hapësirës publike si pronë private dhe taksimin minimal të subjekteve, në këmbim të zarfeve me para nën dorë. Në bisedë përmenden edhe “50 mijëshet e përditshme”, shuma që justifikoheshin si shpenzime ditore, por që realisht ishin pjesë e një skeme zhvatjeje të mirëorganizuar.
Dy USB-të, dy realitete
Një tjetër detaj tronditës është fakti se drejtuesit e kësaj strukture mbanin dy sisteme të dhënash: një zyrtar, i dorëzuar në shtet, dhe një tjetër sekret, për llogari të grupit. Përmes kësaj metodologjie kontrolli, performanca e çdo inspektori matej në bazë të shumës së mbledhur, e cila sipas burimeve tona arrinte në 300 milionë lekë. Kur kuota nuk përmbushej, ndërmerreshin ekspedita “ndëshkimore”, duke kujtuar taksidarët e dikurshëm të hyqmetit.
Emra, zona dhe ndarje përqindjesh.
Në audio përmenden edhe emra konkretë si Artan Ligori (“Tani”), që gëzonte një rol të veçantë në mbledhjen e shumave të mëdha, kryesisht nga magazinat e qytetit. Ndërsa ish-deputeti Xhemal Qefalia përmendet si faktor ndikimi politik, duke ngritur dyshime se skema kishte jo vetëm synime financiare, por edhe elektorale. Mohimi dhe mungesa e përgjegjësisë. Megjithëse ekzistojnë regjistrime të qarta, Mihali ka mohuar publikisht se zëri në audiopërgjim t’i përkasë atij.
Por faktet flasin ndryshe, ndërsa qytetarët kërkojnë përgjigje për pyetjet e mëdha:
Kush përfitoi nga reduktimi i hapësirës publike?
Pse u mbajtën dy sisteme të dhënash?
Cilat janë lidhjet e kësaj skeme me funksionarë të lartë të Bashkisë së Tiranës?
E gjithë kjo që u bë publike deri tani, është vetëm maja e ajsbergut. Shumë pjesë të skemës mbeten ende të fshehura. Tashmë, është detyrë e organeve ligjzbatuese të hetojnë në detaje këtë aferë, ku përfshihen jo vetëm drejtues të niveleve të mesme, por edhe persona të afërt me kryetarin e Bashkisë së Tiranës, Erion Veliaj, një pjesë e të cilëve sot ndodhen në burg./piranjat.al
