Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
KOSOVA
Drenasi konfirmon fituesin, në Prishtinë dhe Mitrovicë gara vazhdon në balotazh
PiranjatPërditësimi i fundit 19 Tetor 2025, 08:57
Të dielën e kaluar, qytetarët e Kosovës iu drejtuan kutive të votimit për herë të dytë këtë vit, kësaj here për të zgjedhur përfaqësuesit në nivelin komunal. Ndryshe nga zgjedhjet parlamentare dhe presidenciale të 9 shkurtit, votimi i 12 tetorit kishte për qëllim përzgjedhjen e kryetarëve të komunave dhe asambleve komunale. Megjithatë, në shumë komuna nuk u arrit të zgjidhen kryetarët që në raundin e parë, dhe tashmë ato do të shkojnë në balotazh më 9 nëntor.
Tre komunat që morën vëmendje të veçantë në këtë proces zgjedhor ishin Prishtina, Mitrovica e Jugut dhe Drenasi.
Në Drenas, gara përfundoi që në raundin e parë, me fitoren e Ramiz Lladrovcit, i cili siguroi një mandat tjetër si kryetar komune, duke mposhtur rivalët pa nevojën për balotazh.
Ndërkohë, në Mitrovicë të Jugut, gara mbetet e hapur dhe jashtëzakonisht e ngushtë. Kandidati i Lëvizjes Vetëvendosje, Faton Peci, ka kaluar në vendin e parë me 15,745 vota (47.97%), duke lënë pas kandidatin e PDK-së, Arian Tahiri, i cili mori 15,629 vota (47.61%). Rezultatet përfshijnë votat e rregullta dhe ato me postë, por ende nuk janë përfshirë votat me kusht dhe ato të personave me nevoja të veçanta, çka mund të ndikojë rezultatin final.
Në Prishtinë, balotazhi është i pashmangshëm. Përparim Rama nga Lidhja Demokratike e Kosovës kryeson me 33.76% (33,141 vota), ndërsa rivali i tij, Hajrullah Çeku nga Lëvizja Vetëvendosje, ndodhet shumë pranë me 32.96% (32,351 vota). Diferenca e vogël mes kandidatëve paralajmëron një garë të fortë në raundin e dytë.
Përveç Prishtinës dhe Mitrovicës, edhe komuna të tjera si Prizreni, Gjakova, Suhareka, Rahoveci, Vitia, Klina dhe Peja do të shkojnë në balotazh.
Megjithatë, disa komuna e përfunduan garën që në raundin e parë:
Raundi i dytë i zgjedhjeve lokale më 9 nëntor pritet të jetë vendimtar për balancën e forcave politike në nivel komunal, veçanërisht në komuna të mëdha si Prishtina dhe Mitrovica, ku garat janë të hapura dhe rezultatet mbeten të paparashikueshme.
