Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
KOSOVA
U dhunua një ditë më parë, flet ish-deputeti: Më erdhën 50 vetë, më gjetën të papërgatitur dhe duarthatë
PiranjatPërditësimi i fundit 14 Tetor 2025, 13:15
Ish-deputeti i Kuvendit të Kosovës, Danush Ademi, ka denoncuar një sulm fizik ndaj tij të ndodhur gjatë ditës së zgjedhjeve në fshatin Dubravë të Ferizajt. Policia e Kosovës ka konfirmuar rastin dhe e ka cilësuar si "sulm", ndërsa personi i dyshuar është liruar në procedurë të rregullt pas intervistimit.
Në një prononcim për mediat, Ademi ka theksuar se sulmi ka qenë i planifikuar, me qëllim që ai dhe komuniteti që ai përfaqëson të pengoheshin në pjesëmarrjen e zgjedhjeve. Sipas tij, ky veprim ishte pjesë e një strategjie për të bllokuar votimin e qytetarëve të komunitetit të Ashkalinjve.
“Sulmi ishte i qëllimshëm, kishte për qëllim që të na pengonin ne dhe komunitetin tonë që të votonim. Ata kishin përgatitur gjithçka që të mos mund të dalim për të votuar. Ne kemi qenë në shtabin tonë dhe nuk kishim planifikuar të dalim pa siguri,” deklaroi Ademi.
Ai shpjegoi se sulmi ka ndodhur pasi ai kishte dalë nga vetura për të marrë gruan, me qëllim që të votonin së bashku në mënyrë të organizuar. Sipas tij, një turmë prej 50 personash, në krye me Qazim Rrahmanin dhe disa anëtarë të familjes së tij, e ka sulmuar atë dhe e ka lënë të papërgatitur për përballjen.
“Kur kam dalë nga vetura, ata më kanë sulmuar. Kam qenë i papërgatitur dhe duarthatë, pasi nuk kam dalë kurrë për të luftuar fizikisht,” tha Ademi.
Ademi ka fajësuar Qazim Rrahmanin dhe anëtarët e tjerë të radhëve të PDAK-së për këtë ngjarje, duke e cilësuar atë si një tentativë për të penguar komunitetin të ushtrojë të drejtën e tij të votës.
Ish-deputeti gjithashtu bëri të ditur se ka njoftuar KQZ-në për këtë incident dhe kërkon përsëritjen e zgjedhjeve në disa vendvotime, duke theksuar se një pjesë e madhe e komunitetit të Ashkalinjve nuk ka mundur të ushtrojë të drejtën e votës për shkak të ngjarjes së ndodhur.
“Do të kërkojmë nga KQZ-ja të përsëritet votimi, sepse shumë fshatra të komunitetit tonë nuk kanë mundur të votojnë fare. Votuesit tanë janë penguar dhe është e padrejtë që ata të mos mund të ushtrojnë të drejtën e tyre," shtoi Ademi.
