Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
POLITIKE
A do shkarkohet nesër Erion Veliaj, Këlliçi: Ka mbaruar ajo punë, fatin e tij politik e ka vendosur Rama
PiranjatPërditësimi i fundit 22 Shtator 2025, 18:15
Deputeti i PD Belind Këlliçi, është shprehur se Erion Veliaj do të shkarkohet nga posti i kryebashkiakut të Tiranës ndoshta që nesër, pasi sipas tij, fatin politik të Veliajt e ka përcaktuar vetë kryeministri Edi Rama.
Komentet Këlliçi i bëri në ‘Ditari i Pasdites’ me gazetarin Pandi Gjata në A2 CNN, ku tha se të gjitha provat e paraqitura nga avokatët e Veliajt, bëhen me qëllim që të përmenden më pas në Strasburg, por shtoi se të gjitha tentativat e tij për pafajësi do të dështojnë.
Ai tha gjithashtu se karakatina e futur me dhunë në Bashkinë e Tiranës, sot është banor i burgut të Durrësit.
“Reagimi i avokatëve të Veliajt ishte qesharak. Nivel mediokër siç është edhe vetë kryebashkiaku i Tiranës. Kur flasim për një kryetarë të zgjedhur me votë në mënyrë demokratike, ndërkohë që shtabin e tij elektoral e ka gjysmë në burg dhe gjysmën të proceduar. Domethënë është në vijim të tentativës së tyre të qartë për të mos përmedur personin dhe arsyet reale se përse po ndodhin këto gjëra.
E kanë fare të qartë, lodhen kot me këto letra. Erion Veliajt ja ka përcaktuar fatin e tij final politik vetë kreu i organizatës që është Edi Rama. Këto i kanë procedura për t’i paraqitur më pas në Strasburg, por do ta kenë të kotë, pasi me malin e akuzave që mban mbi shpinë Veliaj, edhe avoketërit më të mirë në botë nuk e mbrojnë dot.
Këto janë çështje që i përkasin organizatës kriminale që drejtohet nga Edi Rama. Unë jam i qartë më këtë histori dhe për fundin e tij politik. Karakatina e futur me dhunë në bashkinë Tiranë, sot është banor i burgut të Durrësit”, tha mes të tjerash Këlliçi në a2cnn.
