Kavaja, Himara, Vlora, Kamza, Durrësi, Vora janë bashkitë më të varura nga të ardhurat që gjeneron ndërtimi, pasi t&eu...
POLITIKE
Berisha: PD do e ketë përparësi absolute arsimin, ne do të rikthehemi me një buxhet prej 5 përqind ose më shumë
PiranjatPërditësimi i fundit 7 Mars 2026, 13:01
TIRANË- Kreu i Partisë Demokratike, Sali Berisha deklaroi se PD do e ketë përparësi absolute arsimin, duke e rikthyer atë në qendër të politikave kombëtare dhe duke garantuar një buxhet prej 5 përqind ose më shumë për modernizimin e sistemit arsimor në të gjitha nivelet.
Gjatë fjalës së tij Lideri i opozitës theksin e vuri edhe tek rënia e numrit të nxënësve në shkolla, teksa shtoi se pa rindërtuar arsimin, çdo hap përpara për vendin është i pamundur.
"Pra, gjithçka shkoi në një degradim të madh. Arsimi në të gjitha nivelet, në të gjitha ciklet. Asnjë pushtues nuk do mund ta shkatërronte në 11 vite kaq shumë sa e ka shkatërruar ky regjim. Sot, në vitin 2025 në shkollat tona kishte 405 mijë nxënës. Në vitin 2013 kishte 801 mijë nxënës. Pra, 49 përqind më pak në 11 vite. Pa luftë civile.
Pa kalamitete kombëtare, veçe me politikat shpopulluese të Çubrilloviçit, në të cilat është edhe shkatërrimi i arsimit. U përmend këtu se nga Kukësi shkojnë në Prizren, sepse në çdo gjë Kosova është shtet, nuk është narkoshtet. Nuk është shtet i pasur, por është shtet dhe mban qëndrimin që një shtet duhet të mbajë ndaj arsimit, bujqësisë, shëndetësisë.
U them unë, e gjithë zona nga Kalaja e Dodës gjer në Valbonë shkojnë dhe mjekohen në Gjakovë dhe Prizren sepse është shtet dhe jo një mafie e tmerrshme si kjo këtu. Imagjinoni ju. Ndaj dhe ju siguroj se PD do të ketë përparësi absolute arsimin dhe në qoftë se bëhet fjalë nga do ta nisim ne rindërtimin, nga arsimi do niset.
Pa rindërtuar arsimin, nuk ka hap të vërtetë përpara. Do ta nisim përsëri me mësuesin duke e vendosur atë në piedestalin që meriton. Meriton respektin, nderimin. Meriton shpërblimin për misionin që ka. Dhe ne i rikthehemi kësaj fuqishëm. Sikundër ne i rikthehemi me një buxhet 5 përqind apo më shumë investimit në modernizimin e këtij sistemi në të gjitha aspektet.
Nuk ka akt më armiqësor se sa të godasësh kërkimin shkencor në universitete. Një pedagog pa kërkim shkencor nuk ka vlerë dhe kërkimi shkencor duhet të jetë testi më kryesor për qenien e tij pedagog ose jo. Por që të bësh këtë duhet të krijosh kushte. Sot është e pamundur. 50 vite më parë ishte zëvendësdekani që na firmoste të gjitha dokumentet për projektin shkencor.
Dhe ato kushtonin se ishin kimikate, lepuj, minj, kavie. Ai kishte kompetencën. Tani duhet ministria. Duhen xhahilët. Injorantët, hajdutët. Si mundet?" tha Berisha.
