Në intervistën ekskluzive për ‘Çim Peka Live’ sot në mbrëmje Syri Tv, ish zv/kryeministri Arben Ahmetaj thotë s...
POLITIKE
Berisha: Qytetarit i dhanë zarf me 1000 euro dhe e kërcënuan të mos votonte PD-në
PiranjatPërditësimi i fundit 5 Dhjetor 2025, 11:48
Kryetari i PD-së, Sali Berisha akuzoi Edi Ramën se ka përdorur paratë e drogës për të fituar zgjedhjet, gjë e cila sipas tij i ka dhënë avantazh në krahasim me partitë e tjera në Shqipëri. Berisha tregoi rastin e një qytetari të cilit i dhanë një zarf me 1000 euro dhe e kërcënuan të mos votonte ditën e zgjedhjeve për Partinë Demokratike.
Sipas kryedemokratit parregullsitë e zgjedhjeve janë raportuar edhe nga OSBE-ODIHR.
Pjesë nga fjala e Berishës:
“Sot Shqipëria është një njollë e zezë në hartën e europës, zyrtarisht në raportin e OSBE-ODIR theksohej se kishte probleme me zgjedhjet. Njëlloj si ne totalitarizëm pushtetet janë përqendruar në një dorë të vetëm të Ramës. Kjo e Shqipërisë është siameze me diktaturën e Maduros në Venezuelë. Të dyja kanë një mbështetje të jashtëzakonshme në fuqinë e jashtëzakonshme të drogës. Dhe kjo forcë e jashtëzakonshme e drogës në rrafshin ekonomik ë është më e fuqishme se çdo parti. Kjo shoqërohet me fshirjen e ligjeve dhe zëvendësimin e tyre me rregullat e mafies, karteleve të drogës.
Ky fenomen luajti një rol përcaktues në vendimin e zgjedhjeve dhe gjykatave. Kartelet shqiptaret janë bërë të fuqishme, përcaktojnë zgjedhjet elektorale edhe në Amerikën Latine. Shqipëria është eksportuesi nr.1 i drogës në europë. Këto kartele siç u shpreh dje pasdite një nga gazetat më prestigjioze të Uashingtonin: “Nga këto kartele thotë gazeta përfitues është vetë Edi Rama ose ndryshe Ramaduro.
Duke ardhur këtu tek ju prita kryetrarin e një dege të PD-së, më tregoi se një familje 3 veta, mbështetës të opozitës dy vite pas zgjedhjeve kryefamiljari tregoi se natën e zgjedhjeve i kishte trokitur në derë një person dhe i la një zarf ku brenda shkruhej “mos shko në zgjedhje” dhe brenda kishte 1000 euro, brenda natës u rropata dhe vrisja mendjen se si duhet të veproja. Si përfundim të nesërmen nuk shkova në zgjedhje”.
Kjo ishte historia që tregon presionin ndaj votuesve në vendin tonë. Ky është efekti më minimal se kërcënimet e tjera janë më mizoret dhe Edi Ram përfitues kryesor i kartele famëzeze të europës për të fituar mandatin e katërt ndërmori të njëjtat masa edhe në disa aspekte më të egra se Maduro, arrestoi liderët e opozitës”, deklaroi Berisha.
