Policia e Tiranës ka intensifikuar kontrollet ndaj automjeteve luksoze që qarkullojnë në kryeqytet sot në 6 shtator.
Në fokus t...
POLITIKE
“Ndjesë shqiptarëve se u mora 50 mln euro”, Bardhi ironizon reagimin e kryeministrit: €di Rama bën avokatinë e të pandehurës B€linda
PiranjatPërditësimi i fundit 6 Nëntor 2025, 21:36
Kreu grupit parlamentar i Partisë Demokratike, Gazment Bardhi reagoi pas një deklarate të kryeministrit Edi Rama se i kërkonte ndjesë Marta Kos për deklaratat e Berishës ndaj ambasadorit të BE në Tiranë.
Bardhi përcjell me ironi deklaratën e Ramës, duke thënë se u kërkon ndjesë shqiptarëve edhe për aferën prej 50 milionë euro.
Reagimi i plotë:
NDJESA E MUNGUAR E EDI RAMËS!
“U kërkoj ndjesë shqiptarëve që vetëm me aferën e Tunelit të Llogarasë u mora nga xhepat e tyre 50 milionë euro.”
€di Rama
“U kërkoj ndjesë bizneseve shqiptare, europiane dhe amerikane që i lodh dhe u shpenzoj kohë e para me gara fiktive dhe të paracaktuara.”
€di Rama
“U kërkoj ndjesë shqiptarëve për avokatinë e të pandehurës B€linda”
€di Rama
Këtë ndjesë presin shqiptarët nga €di Rama, jo keqpërdorimin e Ambasadorit të BE-së për mbrojtje politike.
Sa për Partinë Demokratike, kjo as ka ndodhur, as do të ndodhë ndonjëherë. Ambasadori i BE-së, z. Silvio Gonzato, ka respektin dhe vlerësimin tonë të plotë.
Ambasadori Gonzato nuk ka asnjë nevojë për asnjë mbrojtje, veçanërisht të përfaqësuesve të krimit të organizuar në Kuvend. Duke keqpërdorur dhe keqlexuar një deklaratë në përgjigje të interesit të medias mbi qëndrimin e Ambasadorit të BE, Edi Rama po tenton edhe njëherë, me shpifje dhe sajesa të sulmojë opozitën në Kuvend, ta përjashtojë, ta izolojë.
