Është nën kontratë me Mallorca-n deri në 2028, por në Spanjë dhe Turqi, e bëjnë të sigurt rikthimin e Vedat ...
POLITIKE
‘Përgjigje mashtruesit me patentë!’/ Berisha "çmonton Ramën", video nga ndërtimi i hidrocentraleve si kryeministër
PiranjatPërditësimi i fundit 9 Mars 2026, 21:08
Kryetari i Partisë Demokratike, Sali Berisha ka çmontuar akuzat imagjinare të kryeministrit Edi Rama, se në kohën kur lideri i opozitës sot, ishte kryeministër deri në vitin 2013, ka bërë shkelje ligjore në ndërtimin e hidrocentralëve në vend, të cilët nxorën Shqipërinë nga errësira energjitike e trashëguar nga qeverisja socialiste deri në vitin 2005.
Në një video të publikuar në Facebook, ku shkruan 'Përgjigje mashtruesit me patentë!', Berisha ka treguar me fakte se si gjatë kohës si kryeministër, shpalosi një vizion ambicioz për transformimin energjetik dhe ekonomik të Shqipërisë, duke premtuar projekte madhore dhe lehtësira fiskale për investitorët.
Sipas premtimeve, ky projekt do të kishte një kapacitet prej 110 megavat dhe do të prodhonte 7% të totalit të energjisë së nevojshme për vendin. Këto projekte ishin pjesë e një klime më të gjerë që synonte të tërhiqte investime të huaja. Në atë kohë, Berisha deklaronte se “shpërthimi i investimeve të huaja” ishte rezultat i drejtpërdrejtë i reformave të ndërmarra nga qeveria e tij.
Sipas tij, këto suksese e kishin pozicionuar Shqipërinë në vendin e 18-të në botë si destinacioni më i mirë për investitorët e huaj.
Për të mbështetur këtë fluks investimesh, qeveria mori masa konkrete fiskale. U vendos “heqja tërësore e TVSH-së” për të gjitha makineritë e importuara për ndërtimin e veprave energjetike.
