Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
"Pse SPAK nuk thërret Ballukun për aferat?"/ Blushi te 'Ligjet': Raporti i OSBE/ODIHR për zgjedhjet, kambanë alarmi
PiranjatPërditësimi i fundit 24 Tetor 2025, 12:34
Tedi Blushi, deputet i Partisë së Lirisë, mbajti fjalën e tij në Komisionin e Ligjeve, ku hodhi akuza ndaj institucioneve të pavarura për dështimin në arrestimin e qytetarëve që shkelin të drejtat e njeriut.
Sipas tij, raporti i OSBE/ODIHR për zgjedhjet e 11 majit zbardhi krimin zgjedhor, manipulimin e votës, dhe mos-hetimin e bandave kriminale, duke nxjerrë në pah se shteti është bërë njësh me krimin.
Tedi Blushi:
Nuk ka konstatim më tronditës se raporti i OSBE/ODIHR. Ai raport sot duhet të ishte një kambanë alarmi, por kjo nuk është çështja juaj, ky Komision duhet të hartojë një raport alarmant, sepse zgjedhjet nuk janë produkt i votës së lirë dhe kjo sipas raportit të pavarur të OSBE/ODIHR. Janë deputetë të kësaj shumice që kanë dalë nga zgjedhje jo të lira e të barabarta. Kemi bërjen njësh të shtetit me policinë dhe krimin. Keni unifikuar partinë me shtetin.
Projektrezoluta që është sjellë këtu është tallje për mendimin tim. Sepse nuk është sjellë lidhja e krimit të organizuar dhe hetimi i tij. Më shqetëson edhe çështja e arrestimeve. Arrestohen persona dhe burgosen për një dozë hashash dhe lirohen ata që kapen me kamion droge.
A do flasim në Kuvend ndonjëherë për hallet e shqiptarëve, për vjedhjen e fondeve të IPARD-it. Pse nuk hetohen këto fonde se ku përfunduan, 140 milionë euro. Përfunduan ose te bandat kriminale, ose te njerëzit e pushtetit. Nuk jemi kundër që të hetohet edhe opozita, por të mos thërrasësh kryeministrin e vendit për të gjitha aferat, siç ishte ajo e inceneratorëve me përqindjet dhe fondet. Të mos thërrasësh njëherë Belinda Ballukun për ta pyetur dhe hetuar, a ka vend kjo, a ka moral. A ka ndonjë plan për të ndalur gjithë këtë gjakderdhje financiare.
Blushi më tej hodhi akuza edhe ndaj SPAK, duke u shprehur që të mos shërbejë si pistoletë në duart e Edi Ramës, sepse sipas tij, po shkel çdo ditë të drejtat e njeriut.
SPAK të respektojë gjatë hetimeve konventën e të drejtave të njeriut dhe të mos shërbejë si pistoletë në duart e Edi Ramës, sepse po shkel çdo ditë të drejtat e njeriut. T’i japë fund kthimit në vegël për shtetin dhe bërjen njësh me të. Ne themi se institucionet janë të pavarura, por në fakt janë të varura prej këmbësh.
