Një kallëzim i ri penal i shtohet çështjes së abuzimit me fondet e filialit të Postës Shqiptare në Durrës.
Sipas...
POLITIKE
"Shqiptarët janë sot më të keqpaguarit në gjithë Europën"/ Erisa Xhixho: Vendet fqinje kanë rritur ndjeshëm pagat minimale
PiranjatPërditësimi i fundit 12 Tetor 2025, 12:32
Nënkryetarja e Partisë së Lirisë, Erisa Xhixho, në një video të shpërndarë në rrjetet sociale, ka folur për situatën ekonomike në vend, duke theksuar se Shqipëria ka pagën minimale më të ulët në Europë, ndërsa qeveria, sipas saj, vijon të qëndrojë e pandjeshme ndaj varfërisë në rritje.
Xhixho i referohet të dhënave të Eurostat, sipas të cilave paga minimale në Shqipëri është vetëm 408 euro, më e ulëta në rajon dhe në kontinent.
“Shqiptarët janë sot më të keqpaguarit në gjithë Europën. Kjo qeveri mendon për xhepat e saj dhe të një grushti njerëzish, jo për qytetarët që punojnë çdo ditë për një jetesë më të mirë”, deklaron Xhixho.
Ajo shton se, ndryshe nga Shqipëria, vendet fqinje kanë rritur ndjeshëm pagat minimale në vitet e fundit.
Erisa Xhixho:
Shqiptarët janë sot më të keqpaguarit në gjithë Europën.
Paga minimale në Shqipëri është vetëm 408 euro, sipas Eurostat.
Kjo do të thotë që familjet shqiptare me të ardhura të ulëta janë më të varfrat në kontinent.
Edhe krahasuar me fqinjët tanë, jemi të fundit:
Mali i Zi – 670 euro Serbia – 618 euro Maqedonia e Veriut – 584 euro Bosnja – deri në 600 euro Shqipëria – vetëm 408 euro!
Ndërkohë që çmimet në vend janë rritur dhe shpesh janë më të larta se në BE, paga minimale në Shqipëri nuk ka ndryshuar.
Rezultati? Fuqia blerëse ka rënë, konsumi ka rënë, dhe mijëra familje sot nuk sigurojnë dot ushqimin bazë.
60% e shqiptarëve nuk mund të përballojnë as një javë pushime Vetëm për t’u ushqyer, shqiptarët shpenzojnë 40% të të ardhurave mujore, kur mesatarja e BE-së është rreth 13% . Një e treta e të ardhurave që krijon ekonomia vendase në një vit shkon për t’u ushqyer.
Fqinjët tanë i kanë rritur pagat minimale me ritme të larta:
Serbia +34%
Mali i Zi +25%
Maqedonia e Veriut +20%
Në Shqipëri? Rritja ka qenë 0%.
Sepse kjo qeveri mendon për xhepat e saj dhe të një grushti njerëzish, jo për qytetarët që punojnë çdo ditë për një jetesë më të mirë.
